६ असोज, काठमाडौं । एक वर्षदेखि बस्न नसकेको नेकपा एमालेको केन्द्रीय समिति बैठक आजदेखि राजधानीमा सुरु हुने भएको छ । १२ असोज ०७३ मा एमाले केन्द्रीय समिति बैठक बसे पनि त्यसयता बैठक बस्न सकेको थिएन ।
शुक्रबार बिहान ११ बजे पार्टी मुख्यालय धुमबाराहीमा बैठक शुरु हुने एमाले केन्द्रीय कार्यालय सचिव कृष्णगोपाल श्रेष्ठले जानकारी दिए ।
तीनदिनसम्म चल्ने बैठकमा स्थानीय निर्वाचनको समीक्षा, प्रदेश र केन्द्रीय निर्वाचन र समसामयिक राजनीतिक गतिविधिबारे छलफल हुनेछ ।
बैठकमा एमाले अध्यक्ष केपी शर्मा ओलीको राजनीतिक प्रतिवेदन प्रस्तुत गर्ने कार्यसूचीसमेत रहेको छ ।
केन्द्रीय कार्यालयका सचिव श्रेष्ठले बैठक केन्द्र र प्रदेश निर्वाचनमा केन्द्रित हुने जानकारी दिँदै दुवै निर्वाचनका लागि उम्मेदवार छनोटको मापदण्डसमेत यसले बनाउने बताए ।
एमाले केन्द्रीय कमिटी बैठक १ वर्षदेखि बस्न सकेको थिएन ।
