६ असोज, जाजरकोट । कांग्रेसले जाजरकोटमा प्रतिनिधिसभा र प्रदेशसभाका उम्मेदवारहरु टुङगो लगाएको छ ।
आगामी मंसिरमा हुने चुनावका लागि जिल्लाबाट उम्मेदवारहरुको टुङ्गो लगाइएको कांग्रेसले जानकारी दिएको छ ।
सदरमुकाम खलंगामा बसेको नेपाली कांग्रेसको बैठकले प्रतिनिधिसभाका लागि यस अघिको क्षेत्र नं. २ का सांसद राजिवविक्रम शाहलाई उम्मेदवार चयन गरको हो ।
त्यस्तै प्रदेशसभाका लागि क्षेत्र नं. १ मा पूर्व क्षेत्रीय सभापति बेदराज सिंह र क्षेत्र नं. २ बाट पार्टी सभापति दीपकजंग शाहलाई उम्मेदवार बनाउने नेपाली कांग्रेस जाजरकोटले जनाएको छ ।
यस अघि २ वटा निर्वाचन क्षेत्र रहेको जाजरकोटमा यसपटक प्रतिनिधिसभा सदस्यका लागि एक र प्रदेशसभा सदस्यका लागि दुईवटा निर्वाचन क्षेत्र निर्धारण गरिएको छ ।
नरेश रानामगरबाट