६ असोज, बारा । बाराको फेटा गाउँपालिका अध्यक्षमा संघीय समाजबादी फोरमले जित हाँसिल गरेको छ ।
फोरमका अध्यक्ष उम्मेदवार अमेरिलाल प्रसाद २६११ मतले बिजयी भएका छन् भने उपाध्यक्षमा पनि फोरमकै कमरुन खातुन २१६८ मतले बिजयी भएकी छन् ।
निकटतम प्रतिपस्र्धी कांग्रेसका रुस्तम अंसारीले २३१६ मत ल्याएका छन् ।
फेटामा बिजयी भएको फोरमले एउटा वडामामात्र जित हाँसिल गरेर अध्यक्ष र उपाध्यक्षमा बिजयी भएको हो ।
जम्मा ७ वडा रहेको गाउँपालिकामा ४ ओटा वडामा लोकतान्त्रिक फोरमले र बाँकी २ वडामा नेकपा एमालेले जितेको थियो ।
निकटतम प्रतिद्वन्दी कांग्रेसले कुनै पनि वडामा जित्न सकेन । यसअघि संघीय फोरमले बाराको पचरौता नगरपालिकामा जितेको थियो ।
