७ असोज, सर्लाही । सर्लाहीको हरिवन नगरपालिकामा नेकपा एमालेले मेयर र उपमेयरसहित अधिकांश पदहरु जितेको छ ।
शनिबार सम्पन्न मतगणनामा एमालेका गणेश प्रसाई ६०५४ मत प्राप्त गरी हरिवनको मेयरमा निर्वाचित भएका हुन् । उपमेयरमा पनि एमालेकै रेणुका पौडेलले जितेकी छन् । उनको मत ५९९८ छ ।
मेयरको निकटतम प्रतिस्पर्धामा रहेका माओवादीका कमल बुढाथोकीले ५१८४ मत प्राप्त गरे भने माओवादी उपमेयरकी उम्मेदवार पद्या मोक्तानले ४४४६ मत ल्याइन् ।
सर्लाहीमा एमालेको यो दोस्रो जित हो । यसअघि लालबन्दी नगरपालिमा एमाले विजयी भइसकेको छ ।
