बिहीबार, ७ असार, २०७५
Ruslan
OnlineKhabar.com
Suzuki
Advertisment
SKIP THIS
Advertisment
SKIP THIS

एप्पललाई आपत्, फुल्न थाल्यो आइफोन एट प्लसको ब्याट्री

Suzuki
अनलाइनखबर

एप्पलको नयाँ आइफोन एट प्लसको ब्याट्री फुलेको अर्को घटना चीनमा सार्वजनिक भएको छ । चिनिया मिडियाहरुले आइफोन एट प्लसको ब्याट्री फुलेको समाचार तस्वीरसहित प्रकाशित गरेका छन् ।

यसअघि ताइवान र जापानमा पनि आइफोन एट प्लसको ब्याट्री फुलेको र ब्याट्री फुल्दा फोनको बाहिरी खोल नै उप्पिएका समाचार आएका थिए ।

गत बिहिबार चीनको एक वेबसाइट द पेपर डट सिएनले एक आइफोन ग्राहक लि यू लाई उधृत गर्दै एक तस्वीर पोष्ट गरेको छ । जसमा ५ अक्टोबरमा खरीद गरेको उक्त नयाँ आइफोन एट प्लसको ब्याट्री फुलेर बाहिरी खोल उप्किएको देखाइएको छ । यद्यपि उक्त फोन पडि्कएको वा टुटेको भने देखिएको छैन ।

लियूले उक्त आइफोन अनलाइन मार्फत खरीद गरेका थिए । आइफोनको ब्याट्री फुलेको देखेपछि डिभाइसलाई चार्ज नगरी बिक्रेतालाई नै फिर्ता गरेको बताइएको छ ।

एप्पलका प्रवक्ताले यो घटनाको छानविन भैरहेको बताएका छन् ।

एप्पलको दशौँ वर्षगाँठको अवसरमा हालै लञ्च भएको आइफोन एट प्लसले बजारमा खासै राम्रो प्रतिक्रिया पाउन सकिरहेको छैन । आइफोन लञ्चपछि एप्पलको शेयरमा पनि गिरावट आइरहेको छ । अघिल्ला फोनहरुको तुलनामा यो आइफोनको पि्रअर्डर पनि निकै कम भैरहेको छ ।

आइफोन एट प्लसको पि्रअर्डर कम हुनुको अर्को कारण के पनि हुनसक्छ भने नोभेम्बरमा आउने आइफोन एक्सको प्रतिक्षामा ग्राहकहरु रहेका छन् ।

चीनमा एप्पललाई हुवावे तथा ओप्पोजस्ता स्वदेशी स्मार्टफोनहरुले टक्कर दिइरहँदा एप्पलको बजार खुम्चिँदै गएको अवस्था छ । चिनिया बजारमा आइफोनको घट्दो बिक्रिदरलाई उकास्नका लागि एप्पलले कडा मेहेनत गरिरहेको बेला आइफोन एट प्लसको ब्याट्री फुलेको समाचार एप्पलका लागि ठूलो झट्का बनेको छ । एजेन्सी

२०७४ असोज २१ गते १४:०२ मा प्रकाशित
Grace
Grace

सम्बन्धित शीर्षकहरु

अनलाइनखबर सिधै एपबाट खोल्नुहोस् । एन्ड्रोइडका लागि यहाँ र आइफोनका लागि यहाँ क्लिक गर्नुहोस् । तपाईं हामीसंग फेसबुक, ट्वीटरयुट्युव मार्फत् पनि जोडिन सक्नुहुन्छ ।

मुख्य खबरहरु

यसमा तपाइको मत




फेसबुकबाट तपाईको प्रतिक्रिया

Also you may like this