शनिबार, १ पुष, २०७४
OnlineKhabar.com

डा. केसीको अपील-संसदलाई बन्धक नबनाऊ

विशेषाधिकार प्रयोग गरी विधेयक पेश गर्न सभामुखलाई आग्रह

अनलाइनखबर

डा. गोविन्द केसी । फाइल तस्वीर

२६ असोज, काठमाडौं । आमरण अनसनरत डा. गोविन्द केसीले सरकारले ल्याएको संशोधनसहित चिकित्सा शिक्षा विधेयक पास गर्न आहृवान गरेका छन् ।

सरकारले डा. केसीको माग सम्बोधन गर्ने गरी संशोधन दर्ता गराएको छ । तर, एमाले र माओवादीले संसदीय समितिको प्रतिवेदनमा संशोधन आएको भन्दै रोकेका छन् । उनीहरुले कि समितिमा पठाउन वा पुरानै विधेयक पास गर्नु पर्ने अडान लिएका छन् ।

डा. केसीले बिहीबार पत्रकार सम्मेलन गरी माफियामुखी ऐन ल्याउन चाहनेहरुले संसदलाई बन्धक बनाएको आरोप लगाएका छन् ।

उनले भने, ‘उनीहरुकै कारण अहिलेको संसदबाट विधेयक पारित नभई निस्कृय भएर जाने र यो क्षेत्र सुधारका लागि हामीले लामो समयदेखि गरेको प्रयास खेर जाने देखिएको छ ।’

डा. केसीले विशेष अधिकार प्रयोग गरेर भएपनि भोलिको बैठकमा विधेयक पेश गर्न सभामुखलाई आग्रह गरे ।

उनले भने, ‘त्यसो नभएर संसदलाई कसैको स्वार्थको बन्धक बनाउन दिएमा संसदको गरिमाका साथै सभामुखको पदीय मर्यादा र कार्यकुशलतामाथि समेत प्रश्न उठ्ने अवस्था आउनेछ ।’

शुक्रबार व्यवस्थापिका संसदको अन्तिम बैठक बस्दैछ । तर, दलहरुबीच सहमति जुटेको छैन ।

सहमतिको मिलनविन्दु खोज्ने उद्देश्यले सभामुख ओनसरी घर्तीले बिहीबार बोलाएको प्रमुख तीन दलको बैठक पनि विना निष्कर्ष टुंगिएपछि विधेयक अन्योलमा पर्ने संकेत देखिएको छ ।

यद्यपी बैठकमा सहभागी उपप्रधान एवं शिक्षामन्त्री गोपालमान श्रेष्ठले विधेयकलाई भोलिको संसदको कार्यसूचीमा जसरी भएपनि राख्न आग्रह गर्दै प्रक्रियामा लैजाने संकेत गरे । विधेयक संसदमा पेश गर्न दिन एमाले र माओवादीलाई आग्रह गर्दै श्रेष्ठले भने, ‘सरकारले आफ्नो बहुमत पुर्‍याउन खोज्छ । तपाईंहरु सक्नुहुन्छ भने बहुमत पुर्‍याउनुस् ।’

शिक्षामन्त्री श्रेष्ठले संशोधनसिहत विधेयक संसदमा पेश गर्न दिन आग्रह गरे पनि एमाले र माओवादीका नेताहरुले समितिबाट सर्वसम्मत रुपमा आएको विधेयक मन्त्रीले संशोधन गर्न नसकिने अडान राखेका छन् । यदि संशोधन गर्नुपर्ने भए सरकारी प्रस्तावलाई फेरि महिला बालबालिका समितिमा नै पठाउनुपर्ने दुई दलको अडान छ ।

अनसनरत डा. गोविन्द केसीको माग बमोजिम चिकित्सा शिक्षा विधेयकमा परिमार्जन गर्ने प्रस्ताव बुधबार संसद सचिवालयमा दर्ता भएको छ । जसमा १० वर्षसम्म काठमाडौंमा मेडिकल कलेज नखोल्ने, एउटा विश्वविद्यालयले पाँच वटा मेडिकल कलेजलाई मात्र सम्वन्धन दिने उल्लेख छ ।

विधेयक फेरि समितिमा पठाउन सम्भव छैन । भोलि संसदको अन्तिम बैठक बस्ने तयारी छ । त्यसपछि संसदसँगै समिति रहने छैन र संसदपछि आउने संसदमा पनि यो विधेयक जाने छैन ।

२०७४ असोज २६ गते १८:५८ मा प्रकाशित (२०७४ असोज २७ गते ७:४३मा अद्यावधिक गरिएको)

सम्बन्धित शीर्षकहरु

अनलाइनखबर सिधै एपबाट खोल्नुहोस् । एन्ड्रोइडका लागि यहाँ र आइफोनका लागि यहाँ क्लिक गर्नुहोस् । तपाईं हामीसंग फेसबुक, ट्वीटरयुट्युव मार्फत् पनि जोडिन सक्नुहुन्छ ।

मुख्य खबरहरु

५ प्रतिकृयाहरू प्राप्त
  • Prem paudel लेख्नुहुन्छ    |   २०७४ असोज २६ गते १९:३३

    बहिरो छ देश सुन्दैन पिडीतहरूका आवाज , बुज्दैन निरीह हरूका भावना , छैन सम्बेदना लगाउन मलहम अनि किन निरन्तर अन्सन डा: साहेब !!!

    1
    0
    Share

  • Alex लेख्नुहुन्छ    |   २०७४ असोज २६ गते २३:४६

    क़ानूनविद रहेछन यी डाक्टर, संसदको सल्लाहकारमा नियुक्त गर्दा राम्रो होला कि ।

    3
    1
    Share

  • Alex लेख्नुहुन्छ    |   २०७४ असोज २७ गते ८:३८

    क़ानूनविद् रहेछन यी डाक्टर, संसदको सल्लाहकारमा नियुक्त गरे हुन्छ ।

    0
    1
    Share

  • Anil Pandey लेख्नुहुन्छ    |   २०७४ असोज २७ गते १०:४५

    ऐन बनाउने सम्सद्ले हो कि अनशनले ?

    0
    0
    Share

  • गुण प्रसाद पहारी लेख्नुहुन्छ    |   २०७४ असोज २७ गते ११:४७

    तिमिले त देश लाई नै बन्धक बनायका छौ ।
    डाक्टर र प्राईबेट हस्पिटल को पक्षपोशक तिमीहरु बाट जन्ता आक्रान्त छन ।

    0
    0
    Share

यसमा तपाइको मत




फेसबुकबाट तपाईको प्रतिक्रिया

Also you may like this