३० असोज, काठमाडौं । नेपाली सेनाले सहायक रथी नैनराज दाहाललाई नयाँ सैनिक प्रवक्तामा नियुक्त गरेको छ ।
सहायक रथी झंकरबहादुर कडायतले सम्हाल्दै आएको जनसम्पर्क तथा सूचना निर्देशनालयको निर्देशक तथा नेपाली सेनाको प्रवक्ताको जिम्मेवारी दाहालले सम्हालेका हुन् ।
सोमबार जंगी अड्डामा आयोजित एक समारोहमा कडायतले प्रवक्ताको जिम्मेवारी दाहाललाई हस्तान्तर गरेको नेपाली सेनाले जनाएको छ ।