अक्षर कति धेरै शक्तिशाली हुन्छ भन्ने कुरा सायद यी कम्पनी तथा व्यक्तिहरुजत्तिको भलिभाँती जानकार यो दुनियामा अरु कोही छैनन् होला । किनकी अक्षरमा भएको सानो गल्तीका कारण यिनीहरुलाई यति ठूलो झट्का लाग्यो की उनीहरुले जिवनभर यसलाई बिर्सिन सक्ने छैनन् ।

कमा, पूर्णबिराम र हिज्जे लगायतमा भएका गल्तीका कारण करोडौँ घाटा बेहोर्नुपरेका ५ घटना यस्ता छन्

दुईवटा शुन्ना छुट्दा

क्यानडाको टोरन्टो र साइप्रसको हवाई यात्रा बिजनेस क्लासमा गर्ने र त्यो पनि जम्मा ३९ डलरमा ! कल्पना गर्न पनि गाह्रो पर्ने टिकटको यस्तो सस्तो मूल्य सन् २००६ मा इटालीको वायुसेवा कम्पनी एलिटालियाले राखेको थियो । कम्पनीले टिकट मूल्य ३ हजार ९ सय डलर लेख्नुको साटो दुईवटा शुन्ना छुटाएर जम्मा ३९ डलर लेखेको थियो । पछि कम्पनीले टिकट मूल्यको यो गल्ती सुधार गर्यो । तर त्यतिबेलासम्म २ हजार यात्रुले ३९ डलरमा टिकट बुक गरिसकेका थिए । जब भुलबस ३९ डलर मूल्य राखिएको भन्दै एयरलाइन्स कम्पनीले बुक गरिएका टिकट रद्द गर्ने जानकारी गरायो, तब यात्रुहरुले कडा विरोध जनाए । त्यसपछि कम्पनीको प्रतिष्ठालाई ध्यान दिँदै कम्पनीले ३९ डलरमै टिकट उपलब्ध गरायो । यसबाट कम्पनीलाई झण्डै ७० लाख डलर घाटा लाग्यो ।

दशमलवको ठाउँमा कमा राखिएपछि

अमेरिकाको एक ठूलो एरोस्पेस कम्पनी लकहीड मार्टिनले वायुसेनाका लागि हर्कुलस जहाज बनाउने समझौतामा हस्ताक्षर गर्यो । सम्झोता अनुसारका विमान निर्माण गर्न केही वर्ष लाग्ने थियो । त्यसैले सन् १९९९ मा यो सम्झौता हुने बेलामा सम्झौता पत्रमै समयक्रमसँगै जहाजकेा मूल्य बढे अनुसार भुक्तानी गरिने कुरा उल्लेख गरियो । तर भुलबस जहाजको जुन मूल्य लेखिएको थियो त्यसमा एक ठाउँमा दशमलबको साटो कमा पर्न गयो । त्यस समयमा उक्त करारको पूर्ण लागत उल्लेख गरिएको थिएन । यसरी मूल्यको अंकमा एकवटा कमा गलत ठाउँमा पर्नाले लकहीड कम्पनीले ७ करोड डलर नोक्सानी बेहोर्नुपरेको बताइन्छ ।

जब एउटा शव्द अगाडि आयो

डिसेम्बर २००५ मा जापानको एक स्टक मार्केट कम्पनीले टाइपिङ गल्तीका कारण ठूलो नोक्सानी बेहोर्नुपर्यो । जे कम नामक कम्पनीको शेयर त्यसबेला ह्वात्तै घट्नथाल्यो जब मिजुहो सेक्योरिटीका एक ब्रोकरले प्रति येनको हिसाबले ६ लाख १० हजार शेयर बेच्न सुरु गरिदिए । तर वास्तवमा प्रतिशेयर मूल्य ६ लाख १० हजार येनमा शेयर बेच्नु थियो । यसरी यहाँ येन मुद्राको ठाउँ अगाडि आउँदा एक येनमा एउटा शेयर बिक्रि भयो जबकी एउटा शेयरको मूल्य ६ लाख १० हजार येन पर्नुपर्ने थियो । यो गल्तीका कारण मिजुहो कम्पनीलाई ३३ करोड डलर घाटा लाग्यो ।

S ले खोसिदियो धेरैको जागिर

बेलायतमा कुनैपनि कम्पनी सुरु गर्नुअघि इन्टरप्राइजेज डिपार्टमेन्ट तथा बिइआइस नामक एजेन्सीमा दर्ता गराउनु पर्दछ । कम्पनी बन्द गराउँदा पनि बिइआइएसलाई जानकारी गराउनु पर्दछ । सन् २००९ मा टेलर एण्ड सन्स नामक एक कम्पनी बन्द हुन थालेको सूचना बिइआइएसमा प्राप्त भयो । तर वास्तवमा जुन कम्पनी बन्द हुनेवाला थियो त्यो चाहीँ टेलर एण्ड सन थियो । कम्पनीको नाममा एउटा एस अक्षर थपिएर बहुबचन हुनाले सन् १८७५ देखि चलिआएको टेलर एण्ड सन्स कम्पनीलाई सरकारी एजेन्सीले बन्द भएको कम्पनीको रुपमा दर्ता गर्यो । जसबाट उक्त कम्पनीमा काम गर्ने अढाई सय कामदारको जागिर गुम्यो ।

टेलर एण्ड सन नामक कम्पनीले आफ्नो नामका पछाडि एस अक्षर थपेर टेलर एण्ड सन्स लेखी कम्पनी बन्द गर्ने सूचना सरकारी एजेन्सीमा दिँदा यस्तो अनर्थ भएको हो । यसरी अघिल्लो कम्पनीको गल्तीका कारण आफ्नो ठूलो कम्पनी बन्द भएकोमा टेलर एण्ड सन्सका सहमालिक फिलिप डेभिसनले ८० लाख पाउण्ड क्षतिपूर्ति दाबी गरे ।

बियरको नाम गल्ती लेख्दा

बियरको शौखिनहरुका लागि ब्भि ब्चअतष्अ या Allsoppउ चिनेजानेको नाम हो । सन् २००७ मा एक व्यक्तिले यस बियरका १५५ बोतल इबे कम्पनीमा बेच्नका लागि हो । यो विशेष बियर किन्नका लागि मानिसहरुको लाइन लाग्नेछ भन्ने उनको अनुमान थियो । तर अचम्म । केवल दुईजना मात्र ग्राहक फेला परे ।

वास्तवमा यसरी ग्राहकको खडेरी पर्नुको गम्भीर कारण रहेछ । उनले बियरको नाममा Allsopp का ठाउँमा Allsop लेखेका रहेछन् । मानिसहरुलाई लाग्यो यो कुनै अर्को ब्राण्डको बियर होला । त्यसैले अन्तत उनका ती बियर ३०८ डलरमा बिके । उक्त बियर खरीद गर्नेले नाम सही राखेर पुनः इबेमा बियर बिक्रिमा राखे । त्यसबेला त डेढ सय जना ग्राहकले बियर खरीद गर्ने इच्छा व्यक्त गरे । अन्ततः ती डेढसय बोतल बियर ५ लाख डलरमा बिके । एजेन्सी