बुधबार, ६ मंसिर, २०७४
OnlineKhabar.com

चुनावपछि मधेस सरकार घोषणा गर्छाैं- उपेन्द्र यादव

अनलाइनखबर

२८ कात्तिक, सप्तरी । संघीय समाजवादी फोरम नेपालका अध्यक्ष उपेन्द्र यादवले फोरम नेपाल र राजपाको मधेस गठबन्धनले दुई नम्बर प्रदेशमा दुई तिहाई बहुमत ल्याउने दाबी गरेका छन् ।

अध्यक्ष यादवले आफूहरुको गठबन्धन विजयी भएलगतै प्रदेश दुईलाई मधेस प्रदेश घोषणा गर्ने बताए ।
स्थानीय चुनावको उत्साहजनक नतिजालाई आधार मान्दै आगामी चुनावमा फोरम नेपाल र राजपाको प्यानल भारी बहुमतले जित्ने यादवले दाबी गरे ।

सप्तरी २ को आफ्नो निर्वाचन क्षेत्र अन्तरगत महदेवा गाउँपालिकामा मंगलबार आयोजित चुनावी सभालाई सम्बोधन गर्दै यादवले पर्सादेखि सप्तरीसम्मको ८ जिल्लालाई समेटेर प्रदेश दुईमा मधेस सरकार निर्माण गर्ने बताए ।

यादवले चुनावपछि बन्ने प्रदेशसभाबाट मधेस प्रदेश घोषणा गर्ने भनेका हुन्े या कुन प्रक्रियाबाट मधेस सरकार बनाउने भन्ने स्पष्ट खुलाएनन् ।

प्रदेशसभामा बुहमत ल्याउने दलले प्रदेशसभाबाट प्रादेशिक सरकार बनाउन पाउँछ भने प्रदेशको नाम पनि प्रदेशसभाले नै राख्न पाउने संवैधानिक व्यवस्था छ ।

फोरम नेपालका अध्यक्ष यादवले मधेस विरोधी शक्तिलाई भोट नहाल्न मतदातालाई आह्वान गरेका छन् । कांग्रेस, माओवादी र एमालेलाई लक्षित गर्दै यादवले मधेस आन्दोलनका क्रममा निहत्था जनतामाथि गोलीहान्न लगाउने तीनै दल भएको बताए । उनले भने- ‘कांग्रेस, माओवादी र एमाले मधेस विरोधी हुन् ।’

अध्यक्ष यादवले औपचारिक रुपमा आइतबारदेखि आफ्नो क्षेत्रमा चुनावी प्रचार-प्रसार सुरु गरेका छन् ।

मंगलबारको कार्यक्रममा अध्यक्ष यादवका साथै राजपाका नेता मनिषकुमार सुमनले पनि बोलेका थिए ।

२०७४ कार्तिक २८ गते २०:१५ मा प्रकाशित

सम्बन्धित शीर्षकहरु

अनलाइनखबर सिधै एपबाट खोल्नुहोस् । एन्ड्रोइडका लागि यहाँ र आइफोनका लागि यहाँ क्लिक गर्नुहोस् । तपाईं हामीसंग फेसबुक, ट्वीटरयुट्युव मार्फत् पनि जोडिन सक्नुहुन्छ ।

मुख्य खबरहरु

१ प्रतिकृया प्राप्त
  • केके लेख्नुहुन्छ    |   २०७४ कार्तिक २९ गते १२:२९

    उपेन्द्र जीके होस काग्रेश नेता जनक है लागलेकी? मधेशमे मधेश सरकार न हेते केपि ओली सरकार देउवा सरकार मधेशमे केना हेते । मधेशमे केना के विकाश हेते, के नाके मधेशके समग्र विकाश आगे ज्यात ई वात सव जनताके वताउ । सरकार के भुल भुलैयामे नै फसाउ जनता के मधेश सरकार त अपने आप भ ज्यात ।
    जय मधेश ।

    2
    0
    Share

यसमा तपाइको मत




फेसबुकबाट तपाईको प्रतिक्रिया

Also you may like this