Comments Add Comment

नेपालमा व्यवसायिक विशिष्टताको लागि सिप्रदीलाई सुपर प्लाटिनम अवार्ड

२९ कात्तिक, काठमाडौं । सिप्रदी ट्रेडिङ्ग प्रालिले आफ्नो व्यवसायिक मान्यता अनुसार विशिष्ट रुपमा त्यसको पालना गरेको र ग्राहकमुखी सेवाहरु प्रदान गरे बापत सुपर प्लाटीनम अवार्ड प्राप्त गरेको छ ।

नेपाल उद्योग परिसंघ र अमेरिकामा प्रधान कार्यालय रहेको ‘फस्ट एण्ड सुलेमान’ नामक आर्थिक तथा व्यवसायिक क्षेत्रको संस्थासँग साझेदारीमा यही मंगलबार सम्पन्न ‘नेपाल बिजिनेस एक्सिलेन्स अवार्ड २०१७’ कार्यक्रममा उक्त अवार्ड सिप्रदीलाई प्रदान गरियो ।

नेपालको व्यवसायिक समुदायमा उक्त अवार्डलाई विशिष्ट दर्जामा मानिन्छ । विश्वमा मान्यता प्राप्त पाँच परिसूचकहरु जस्तैÙ दिगो आर्थिक तथा गैर आर्थिक फाईदाहरु, रणनीतिक साझेदारी, कर्मचारी तथा व्यवसाय बीचको मैत्रीपूर्ण साझेदार, भरपर्दो व्यवस्थापन प्रक्रियाहरु तथा व्यापार उत्पादकताको आधारमा कम्पनीको कार्यहरुलाई मूल्याङ्कन गरी अवार्ड प्रदान गरिएको हो ।

प्रतिस्पर्धी कम्पनीको व्यवसायिक योजना तथा त्यसको कार्यान्वयन, सेवाको गुणस्तर, उपभोक्ताको सन्तुष्टि, आर्थिक विकास, दिगो व्यवसायिक विकास, सामाजिक उत्तरदायित्व जस्ता पक्षहरुको विश्लेषण गरी बिजिनेस एक्सिलेन्स अवार्ड २०१७ प्रदान गरिएको हो ।

सिप्रदीको प्रमुख कार्यकारी अधिकृत राजनबाबु श्रेष्ठले उक्त अवार्ड ग्रहण गर्दै भने, “हामीले जहिले पनि श्रेष्ठतम सेवाहरु प्रदान गर्नेमा जोड दिएका छौं र आज हामी फस्ट एण्ड सुलेमान बाट पनि प्रमाणित भएका छौं । यो अवार्डलाई हामी हाम्रो सम्पूर्ण मान्य ग्राहकवर्गहरुमा समर्पण गर्न चाहन्छौं र भविष्यमा अझै राम्रो सेवा प्रदान गर्ने प्रण गर्दछौं ।”

फस्ट एण्ड सुलेमानका अनुसार अवार्ड प्राप्त गर्ने कम्पनीहरुलाई तिनको भविष्यको योजना, भविष्यमा आउने विभिन्न चुनौतीहरुको सामना गर्न सक्ने गरी प्रतिस्पर्धा क्षमता तथा विशिष्ट प्रक्रियाहरुलाई अवलम्बन गर्न सक्ने तयारी भएका आधारमा सम्मान गरिएको हो ।

सन् १९६१मा अमेरिकामा स्थापना भएको फस्ट एण्ड सुलेमान विश्वव्यापी रणनीतिक कार्यहरुको अग्रसरता लिएको कन्सल्टिङ्ग कम्पनी हो । यस कम्पनीको विश्वभर ४५ वटा अफिसहरु छन् जसमध्ये नेपालमा पनि एउटा कार्यालय छ ।

सिप्रदी ट्रेडिङ्ग प्रालि नेपालमा गाडीहरु र त्यससँग सम्बन्धित व्यवसायहरु संचालन गर्ने एउटा प्रतिष्ठित कम्पनी हो र सन् १९८२ देखि टाटा मोटर्सको नेपालमा एक मात्र आधिकारिक बिक्रेता हो ।

विगत ३४ वर्षदेखि व्यवसायिक अग्रसरता लिँदै सिप्रदीले वाषिर्क ३५० मिलियन डलरको राजश्व तिर्ने र गाडी, इनर्जी, लुबि्रकेन्ट्स, फाईनान्स सेवाहरु, ईक्वीपमेन्ट व्यवसाय आदिमा आˆनो अग्रसरता राखेको छ ।

यस कम्पनीमा ७५० कर्मचारीहरु र ६५० जना सेवा कर्मचारीहरु कम्पनीको एक मात्र लक्ष्य गुणस्तरीय सामानहरु तथा सेवाहरु प्रदान गर्दै आफ्नो समस्त ब्राण्ड मुल्य मान्यतालाई पारस्परिक आधार बनाएर कार्यरत छन् ।

यो खबर पढेर तपाईलाई कस्तो महसुस भयो ?

ट्रेन्डिङ

Advertisment