८ मंसिर, पोखरा । पोखरामा नेकपा एमाले-माओवादी वाम गठबन्धनको सम्पर्क कार्यालयमा बम प्रहार भएको छ ।
पोखरा महानगरपालिका वडा नम्बर ९ मा रहेको वाम गठबन्धनको सम्पर्क कार्यालयमा आज साँझ बम प्रहार भएको हो ।
सेतो गाडीमा आएका अपरिचित समूहले सम्पर्क कार्यालयको भुइँतलामा बम फालेर भागेका थिए । सम्पर्क कार्यालयको माथिल्लो तलमा गठबन्धनका युवा समूहको भेला चलिरहेका बेला सेतो गाडीमा आएर अपरिचित समूहले बम फालेर भागेको बताइएको छ ।
बम प्रहारबाट कुनै मानवीय क्षति भएको छैन ।