शुक्रबार, २९ मंसिर, २०७४
OnlineKhabar.com

अझै ६ महिना बाँकी छ, यो रोनाल्डोलाई धेरै समय होः जिदान

अनलाइनखबर

गोल विना उपस्थित भएपछि बोरुसिया डर्टमुण्डको खेल अघि जिनेदिन जिदानेले फेरि त्यही प्रश्नको सामना गर्नु परेको छ । तर, रियल मड्रिडका प्रशिक्षकले क्रिष्टियानो रोनाल्डोको बचाउ गरेका छन् ।

रियल मड्रिडले च्याम्पियन्स लिगको समूह चरणको अन्तिम खेलमा जर्मन क्लब बोरुरिया डर्टमुण्डसँग खेल्दैछ ।

उसका स्टार स्ट्राइकर रोनाल्डो गोलका लागि संघर्षरत छन् । तर, प्रशिक्षक जिदानले उनी गत सिजन जस्तै यो सिजनको अन्त्यसम्ममा टप र्फममा आउने दाबी गरे ।

उनले गरिरहेको मेहनतबारे उनी र क्लबलाई माया गर्नेहरुले बुझ्ने उनले बताए । ‘केही समय अघि गत वर्ष उनको शानदार सिजन रहृयो’ उनले भनेका छन्, ‘हामी मध्यबाटोमा छौं । अझै ६ महिना बाँकी छ । रोनाल्डोका लागि ६ महिना धेरै लामो समय हो ।’

ला लिगामा बार्सिलोलो सेल्टाभियोसँग २-२ को बराबरीमा रोकिँदा रियलले फाइदा उठाउन सकेन । उसले एथ्लेटिको विल्बाओसँग गोलरहित बराबरी खे ल्यो ।

प्रशिक्षक जिदानले भने टिमले राम्रो गरिरहेको तर, गोल मात्र हुन नसकेको भन्दै छिट्टै अवस्थामा परिर्वतन आउने विश्वास व्यक्त गरे ।

२०७४ मंसिर १९ गते १८:५९ मा प्रकाशित (२०७४ मंसिर २० गते ९:०२मा अद्यावधिक गरिएको)

सम्बन्धित शीर्षकहरु

अनलाइनखबर सिधै एपबाट खोल्नुहोस् । एन्ड्रोइडका लागि यहाँ र आइफोनका लागि यहाँ क्लिक गर्नुहोस् । तपाईं हामीसंग फेसबुक, ट्वीटरयुट्युव मार्फत् पनि जोडिन सक्नुहुन्छ ।

मुख्य खबरहरु

यसमा तपाइको मत




फेसबुकबाट तपाईको प्रतिक्रिया

Also you may like this