काठमाडौं । चिनियाँ स्मार्टफोन उत्पादक शाओमीले उत्पादन गरेको फोर के एक्सन क्यामेरा नेपाली बजारमा उपलब्ध हुन थालेको छ ।
शाओमीको नेपालका लागि आधिकारिक बिक्रेता भत्सल इम्पेक्सले अनलाइन तथा अफलाइन दुवै माध्यमबाट यो क्यामेरा नेपाली बजारमा किन्न सकिने जनाएको छ ।
यो क्यामेरामा फोर के भिडियो रेकडिङ, २.४ इन्चको टचस्क्रीन , १४५ लार्ज वाइड एंगल, ब्लुटुथ तथा दुइवटा माइक्रोफोन लगायतका सुबिधा भएको यो क्यामेरा जम्मा २४ हजार ९ सय ९९ रुपैयाँमा उपलब्ध हुने कम्पनीले जनाएको छ ।
यो क्यामेरा शाओमीका आधिकारिक सोरुमहरु पाको न्यूरोड, लबिम मल, दमकल चोक पुल्चोक तथा शाओमी नेपालको अनलाइनमार्फत् पनि किन्न सकिने छ ।
