२९ पुस, काठमाडौं । बार्सिलोनासँग नयाँ सम्झौतासँगै लिओनल मेस्सीले हरेक वर्ष १०० मिलियन युरो कमाउने गरेको खुलेको छ । यो २०२१ सम्म रहनेछ ।
यो फुटबल लिक्सले गरेको खुलासा हो, जुन फ्रान्सको पोर्टल मिडियाबार्टले संकलन गरेको थियो, जसअनुसार बार्साले चार सिजनमा मेस्सीलाई ४०० मिलियन युरो तिर्नेछ ।
मेस्सीको यो कमाई क्रिष्टियानो रोनाल्डोको भन्दा दोब्बर हो ।
फुटबल लिक्सका अनुसार पेरिस सेन्ट जर्मेनका नेयमारले भने लगभग ३७ मिलियन युरो पाउनेछन् ।
