२ माघ, काठमाडौं । एईसीसी ग्लोबलले काठमाडौंमा अष्ट्रेलियन एडि्मसन-डे आयोजना गरेको छ । अष्ट्रेलियन डेको आयोजना काठमाडौं होटल याक एण्ड यतीमा भएको हो । विहान १० देखि बेलुकी ५ बजेसम्म एडि्मसिन डेमा सहभागी हुने विद्यार्थीको घुइँचो थियो ।
अब चितवन (भरतपूर गार्डेन रिसोर्ट) र पोखरा -होटल पोखरा ग्राण्डे)मा पनि क्रमशः १८ र १९ तारिकमा यसको आयोजना हुनेछ । काठमाडौंमा आयोजना भएको अष्ट्रेलियन डेमा ३० कोर्षका प्रदायकहरु सहभागी थिए । पोखरा तथा चितवनमा भने ११ कार्ष प्रदायकको सहभागिता रहने छ ।
नेपालकै सर्वाधिक ठूलो अष्ट्रेलियन एजुकेशन फेयरका रुपमा लिइने यस मेलाको यस बर्षको काठमाडौं संस्करणमा १ हजार भन्दा बढी सहभागी भए ।
चितवन र पोखरामा ३ सय ५० भन्दा बढी विद्यार्थीको सहभागिता रहने अनुमान गरिएको छ । मेलाको उद्घाटन नेपालका लागि अष्ट्रेलियन राजदूत महामहिम पिटर बडले गरे ।
‘हामीले विद्यार्थी तथा तिनका अभिभावकले प्रत्यक्ष अष्टेलियन कोर्ष प्रदायकलाई भेटी भर्ना, छात्रबृत्ति तथा भिसा डक्यूमेण्टेसन संग सम्बन्धित आफ्नो जिज्ञासा मेट्ने तथा जानकारी लिने अवसर प्रदान गर्ने सोचका साथ बर्षको दूई पटक आयोजना गरिरहेको छौँ । विद्यार्थीहरुले विश्वविद्यालयसम्म पुग्न नसक्ने अवस्थामा हामी विश्वविद्यालयलाई नै विद्यार्थी सामू ल्याउने हर सम्भव प्रयास गर्दैछौं ‘, एईसीसी ग्लोबलका डेष्टिनेशन हेड सैलेशकुमार झाले भने ।
सन् २००८मा मेलबर्नमा स्थापित एईसीसी ग्लोबल अहिले ९ देश र २६ शहरमा सञ्चालित छ । प्रधान कार्यालय मेलबर्न अष्ट्रेलियामा रहेको एईसीसीले न्यूजिल्याण्ड, क्यानेडा, यूएसए र यूकेका लागि समेत शैक्षिक परामर्श प्रदान गर्ने गर्छ ।
संस्थामा ४० भन्दा बढी क्यूईएसी प्रमाणित सल्लाहकारहरु आबद्ध छन् । एईसीसीले विद्यार्थीका लागि शिक्षाको आवश्यकता र तिनको जीवनमा यसको महत्वलाई बुझी याग्य विद्यार्थीका लागि उत्कृष्ट कलेजमा सर्वाधिक छात्रवृत्तिका लागि प्रयास गर्छ ।
देश विकासका लागि यूवा जनशक्तिको आवश्यकतालाई दृष्टिगत गर्दै एईसीसीले आफ्नो शैक्षिक कार्यक्रमको समाप्तिपछि देश फिर्तिका लागि समेत सल्लाह प्रदान गर्छ ।
‘शैक्षिक गणतब्यबाट फर्केसंगै हामी सदैव विद्यार्थीलाई देशका लागि उल्लेख्य काम गर्न प्रेरित गर्छौँ । तिनले विदेशमा आर्जेका ज्ञानले देशमा सकारात्मक परिवर्तन ल्याउनका लागि हामी सक्दो प्रेरित गर्छाैं । हामी सदैव विद्यार्थीलाई देशका लागि उल्लेख्य काम गर्न प्रेरित गर्छौँ’, एईसीसीका विजनेश हेड्स रञ्जित कुमार अग्रवाल र सचिन उपाध्यायले भने ‘ एईसीसीको प्रमुख उद्देश्य भन्नु नै विद्यार्थीलाई देश विकासका लागि सहयोग गर्नु हो । यही कारण हामी राष्ट्र निर्माण तथा विकासका लागि उपयोगी कोर्षहरु समेत प्रदान गर्दै आइरहेका छौँ । ‘
कम्पनीले आफ्नो नियमित कार्य तालिकाका रुपमा अष्ट्रेलियन एजुकेशन फेयर एण्ड इभेण्टको बर्षमा कम्तिमा दूई पटक आयोजना गर्दै आइरहेको छ । गत बर्ष संस्थाद्वारा आयोजित अष्ट्रेलियन एजुकेशन फेयरमा ९ सय भन्दा बढी विद्यार्थीले उत्साहजनक सहभागिता जनाएका थिए ।
