४ माघ, सिन्धुपाल्चोक । सिन्धुपाल्चोक मा जीप दुर्घटना हुँदा एक जनाको मृत्यु भएको छ भने ६ जना घाइते भएका छन् ।
तातोपानीबाट बाह्रबिसे अउँदै गरेको ना१ख ९९५० नं. को जीप सोही सडकखण्डको सखुवामा दुर्घटना हुँदा गोमा तामाङको मृत्यु भएको हो । जीप सडकबाट तल खसेको जनाइएको छ ।
दुर्घटनामा मानेश्वराका आशा लामा, ठाकुरप्रसाद नेपाल , डोल्मा तामाङ, करुण तामाङ , लब लामा र कुस लामा घाइते भएका छन् ।
उनीहरूलार्इ उपचारको लागि धुलिखेल ल्याइएको छ । घाइतेमध्ये पाँच जना धुलिखेल अस्पतालमा रिफर भएका छन् ।