२४ माघ, काठमाडौं । बलिउड अभिनेता सलमान खानको नाम लिएर विभिन्न व्यक्तिसँग ठगी गरेको खुलेपछि पक्राउ परेका ‘बिइङ ह्यूमेन’ ब्राण्डका नेपाल विक्रेता राजु थापा क्षेत्री साढे १२ लाख रुपैयाँ धरौटी बुझाएर छुटेका छन् ।
बुधबार जिल्ला अदालत काठमाडौंमा धरौटी रकम बुझाएर उनी छुटेका हुन् । यसअघि १० माघमा महानगरीय अपराध महाशाखाले उनलाई १५ लाख रुपैयाँ बाउन्स चेक दिएको उजुरीपछि पक्राउ गरेको थियो ।
दरबारमार्गमा रहेको बिइङ ह्यूमेन क्लोथिङ स्टोरबाटै उनी पक्राउ परेका थिए । थापाले सलमान खानको नाममा अन्य व्यक्तिबाट समेत रकम लिएका थिए ।
प्रहरीले बैकिङ कसुर अन्तरगत मुद्दा चलाएको थियो ।
