सोमबार, ७ फागुन, २०७४
OnlineKhabar.com

फेसबुकले ल्याउँदैछ डाउनभोट फिचर

फेसबुकले धेरैपटक भनिसकेको छ की उसले यो सोसल साइटमा कहिल्यैपनि डिसलाइक बटन ल्याउने छैन । डिसलाइक बटनका कारण अनलाइन दादागिरीलाई बढावा मिल्न सक्ने उसको ठम्याई छ ।

तर डिसलाइक बटनको आवश्यकता प्रयोगकर्ताहरुले गर्दै आएका छन् । अनि त्यसैलाई मध्यनजर गर्दै फेसबुकले यो सँग मिल्दोजुल्दो फिचर फेसबुकमा ल्याउँदैछ ।

समाचार अनुसार फेसबुकले अहिले एक नयाँ बटनको टेस्ट गरिरहेको छ जसको नाम हो Downvote । यो फिचरको अहिले अमेरिकामा परीक्षण गरिरहेको छ फेसबुकले । यसमा मानिसहरुले पब्लिक पेजका पोस्टमा गरिएका कमेन्टहरुका लागि डाउनभोट अप्सनको प्रयोग गरिरहेका छन् ।

टेक क्रन्चको रिपोर्ट अनुसार यो नयाँ फिचरले फेसबुकको पब्लिक पोष्टमा हुने यस्ता कमेन्टप्रति असहमति जनाउनेछ जो अनुचित, असभ्य र भ्रामक हुन्छन् ।

फेसबुकका प्रवक्ताले भनेका छन्, ‘हामीले डिसलाइक बटनको परीक्षण गरिरहेका छैनौँ । हामी प्रयोगकर्ताहरुका लागि एउटा यस्तो फिचरको परीक्षण गरिरहेका छौँ जसबाट उनीहरु पब्लिक पेजका पोस्टहरुमा आउने कमेन्टका विषयमा आफ्नो प्रतिक्रिया दिन सकून् ।

Downvote बटनका लागि कुनै नयाँ आइकन दिइएको छैन । हरेक कमेन्टको तल एक अप्सनको रुपमा यो देखिनेछ । जस्तो स्क्रिनसटमा देख्न सकिन्छ । जसै प्रयोगकर्ताहरु यस अप्सनमा क्लिक गर्दछन् फेसबुकले त्यसको कारण सोध्नेछ ।

कारणहरुमा Offensive, Misleading  तथा Off Topic को विकल्प हुनेछ । र, त्यसमध्ये एक विकल्प छान्न सकिनेछ ।

२०७४ माघ २७ गते १४:५७ मा प्रकाशित

सम्बन्धित शीर्षकहरु

अनलाइनखबर सिधै एपबाट खोल्नुहोस् । एन्ड्रोइडका लागि यहाँ र आइफोनका लागि यहाँ क्लिक गर्नुहोस् । तपाईं हामीसंग फेसबुक, ट्वीटरयुट्युव मार्फत् पनि जोडिन सक्नुहुन्छ ।

मुख्य खबरहरु

यसमा तपाइको मत




फेसबुकबाट तपाईको प्रतिक्रिया

Also you may like this