शुक्रबार, ११ फागुन, २०७४
OnlineKhabar.com

यसरी लिएका थिए सन्दिपले केन्याको ५ विकेट, हेर्नुस् भिडियो

अनलाइनखबर

नामिबियामा जारी वल्र्ड क्रिकेट लिग डिभिजन टूमा नेपाली युवा बलर सन्दिप लामिछाने राम्रैसित चम्केका छन् ।

प्रतियोगिताका चार खेलमा उनले अहिलेसम्म १४ विकेट लिइसके । केन्याविरुद्धको पछिल्लो खेलमा सन्दिपले घातक बलिङ गरेका थिए । १० ओभर बलिङ गर्दै ५ मेडनका साथ २० रन दिएर ५ विकेट चट्काए ।

हालै मात्र इन्डियन प्रिमियर लिगको टिम दिल्ली डेयरडेभिल्समा लागि छनोट भएका स्पिनरमा गजबको आत्मविश्वास देखिएको छ ।

म्याचको लाइभ कभरेजको अभावमा नेपालीहरुले उनको बलिङ हेर्न पाएनन् । यद्यपि, अन्तर्राष्ट्रिय क्रिकेट काउन्सीलले सो खेलमा सन्दिपको बलिङको केही झलक सार्वजनिक गरेको छ । उनको लेगस्पिन कसरी केन्याली ब्याट्सम्यानहरुले बुझ्न सकेनन् भन्ने भिडियोमा देखिन्छ ।

हेरौं उनले कसरी लिए पाँच विकेट ?

सन्दिप भर्सेस ओबान्दा


१. ओपनिङ ब्याट्सम्यान ओबान्दा नेपाली बलरहरुमाथि हावी भइरहेका थिए । एक घन्टादेखि क्रिज ओगटेका उनले पाँच चौकाका साथ ४१ बनाएको अवस्थामा सन्दिपले बोल्ड गरिदिए । यो उनको पहिलो ओभर थियो ।

सन्दिप भर्सेस कन्डारिया


२. ओबान्दा आउट भएपछि केन्या आफ्नो लय गुमाउन चाहँदैनथ्यो । तर, सन्दिपको विचार अर्कै थियो । उनले १८ औं ओभरको चौंथो बलमा कन्डारियाको विकेट चट्काए ।

सन्दिप भर्सेस आरआर पटेल


३. सन्दिप रोकिने मुडमा थिएनन् । ३३ औं ओभरको पहिलो बलमा उनले आरआर पटेललाई कप्तान पारस खड्काको हातबाट क्याचआउट गराए ।

सन्दिप भर्सेस आरएन पटेल

 
४. लगत्तै अर्को बलमा आरएन पटेलको पालो आयो । सन्दिपको स्पिन उनले मूल्यांकन गर्न सकेनन् र एलबीडब्लू धरापमा परे । यतिबेला सन्दिप अन ह्याट्रिक थिए । यद्यपि उनले अर्को बलमा ह्याट्रिक मिस गरे ।

सन्दिप भर्सेस ओडियाम्बो

५. आफ्नो अन्तिम बलमा पनि सन्दिपले अल्छि मानेनन् । ओडियाम्बोलाई उनले ज्ञानेन्द्र मल्लको हातबाट क्याच आउट गराए र आफ्नो पाँच विकेट पुरा गरे ।

२०७४ फागुन २ गते ३:५५ मा प्रकाशित (२०७४ फागुन १ गते २०:१९मा अद्यावधिक गरिएको)

सम्बन्धित शीर्षकहरु

अनलाइनखबर सिधै एपबाट खोल्नुहोस् । एन्ड्रोइडका लागि यहाँ र आइफोनका लागि यहाँ क्लिक गर्नुहोस् । तपाईं हामीसंग फेसबुक, ट्वीटरयुट्युव मार्फत् पनि जोडिन सक्नुहुन्छ ।

मुख्य खबरहरु

यसमा तपाइको मत




फेसबुकबाट तपाईको प्रतिक्रिया

Also you may like this