Comments Add Comment

माओवादीमा मन्त्री छान्ने जिम्मा शीर्ष तीन नेतालाई

फाइल फोटो

१० फागुन, काठमाडौं । आकांक्षी धेरै भएपछि माओवादी केन्द्रले मन्त्री छान्ने जिम्मा शीर्ष तीन नेतालाई दिएको छ ।

केपी ओली सरकारमा माओवादीले सात मन्त्रालय पाएको छ । तर, दर्जन बढी नेतारु मन्त्रीको दावेदार छन् ।

बिहीबार साँझ खुमलटारमा बसेको सचिवालयको बैठकमा पनि धेरै नेता मन्त्रीका आकांक्षी देखिए । नाममा सहमति हुन नसकेपछि मन्त्री छान्ने जिम्मा अध्यक्ष प्रचण्डसँगै नारायणकाजी श्रेष्ठ र रामबहादुर थापा बादललाई दिइएको छ ।

बैठकले मन्त्री छनोटको आधार पनि दिएको छ । सबै प्रदेशलाई समेट्नु पर्ने, समावेशी हुनुपर्ने, राम्रो प्रदर्शन गर्न सक्ने तथा नयाँ र पुरानोको मिश्रति टिम हुनुपर्ने र पटकपटक अवसर पाएकालाई प्राथमिकता दिन नहुनेलाई आधार बनाइएको छ ।

माओवादीबाट नेता रामबहादुर थापा बादलले उपप्रधान तथा गृहमन्त्री दाबी गरेका छन् । वर्षमान पुन र जनार्दन शर्मा पनि गृहमन्त्रीका दावेदार हुन् ।

शक्ति बस्नेतले भौतिक पूर्वाधार मन्त्रालयमा दावी गरेका छन् तर, यो एमालेको भागमा परेको छ । मातृका यादव, हिमाल किराती, राम कार्की, लेखराज भट्ट, पम्फा भुसाल देव गुरुङ र देवेन्द्र पौडेल पनि मन्त्रीका दावेदार हुन् ।

यो खबर पढेर तपाईलाई कस्तो महसुस भयो ?

ट्रेन्डिङ

Advertisment