२९ फागुन, काठमाडौं । सर्वोच्च अदालतका ८ न्यायाधीशले इजलास बस्न अस्वीकार गरेका छन् ।
न्यायाधीश चालेन्द्रशम्शेर जबराले नै प्रधानन्यायाधीश गोपाल पराजुलीले साउनमा नै अवकास पाएको भन्दै मुद्दा हेर्न अस्वीकार गरेपछि उनी नैतिक संकटमा परेका छन् । तर, पराजुलीले नै मंगलबार दैनिक पेशी तोकेका थिए ।
मंगलबार न्यायाधीशहरु दीपकराज जोशी, प्रकाशसिंह राउत, हरिकृष्ण कार्की, सपना मल्ल प्रधान, विश्वम्भरप्रसाद श्रेष्ठ, अनिलकुमार सिन्हा, ईश्वरप्रसाद खतिवडा र आनन्दमोहन भट्टराईले इजलास बस्न अस्वीकार गरेका हुन् ।
वरिष्ठ न्यायाधीश जोशी र राउतको १ नम्बर इजलास थियो भने कार्की र मल्लको इजलास ८, श्रेष्ठ र सिन्हाको ९ र खतिवडा र भट्टराईको इजलास नम्बर १० छ ।
सर्वोच्च प्रशासनले चार बेञ्च नबसेको जानकारी दिएको छ ।
