सोमबार, ११ असार, २०७५
Ruslan
OnlineKhabar.com
Suzuki

महिलाको हत्या गरी साढे २१ लाख लुट्ने समूहका फरार अभियुक्त समातिए

Suzuki
अनलाइनखबर

मृतक महिला ।

२९ फागुन, काठमाडौं । प्रहरीको केन्द्रीय अनुसन्धान ब्यूरो (सीआईबी) ले लाखौं रुपैयाँको धनमाल चोरीसँगै व्यक्ति हत्यामा संलग्न एक जना फरार अभियुक्तलाई पक्राउ गरेको छ ।

पक्राउ पर्नेमा नुवाकोटको साविक सूर्यगढी–७ घर भइ हाल सूर्यगढी–२ बस्दै आएका २० वर्षीय मुस्कार भनिने हरिशरण अधिकारी छन् ।
उनले १२ साउनमा काठमाडौंको बुढानिलकण्ठ–१, तौलुङस्थित छोरी गीता ढकालको घरमा बस्दै आएकी ३० वर्षीय सुदामा लामिछानेको हत्या गरेका थिए ।

घरमा एकलै भएको मौका पारेर फलामको हम्मरले टाउकोमा प्रहार गरी उनको हत्या भएको थियो भने घरमा भएको नगद, सुनचाँदी र हिराका गरगहना समेत गरी २१ लाख २९ हजार ५ सय रुपैयाँ बराबरको धलमाल चोरी गरिएको थियो ।

यसअघि उनलाई जिल्ला अदालत काठमाडौंले १ लाख रुपैयाँ धरौटी लिएर तारेखमा राख्न आदेश दिएको थियो । तर, पुनः उच्च अदालत पाटनमा मुद्दा पुनरावेदन परेकोमा ६ पुसमा उक्त आदेश बदर भएको थियो ।

सोही क्रममा उनलाई नुवाकोटबाट पक्राउ गरी जिल्ला सरकारी वकिल कार्यालय, काठमाडौंमार्फत जिल्ला अदालत काठमाडौंमा पेश गरिएको थियो । र, अहिले उनलाई कारागार कार्यालय, जगन्नाथदेवल पठाइएको जनाइएको छ ।

२०७४ फागुन २९ गते १८:०२ मा प्रकाशित
Grace
Grace

सम्बन्धित शीर्षकहरु

अनलाइनखबर सिधै एपबाट खोल्नुहोस् । एन्ड्रोइडका लागि यहाँ र आइफोनका लागि यहाँ क्लिक गर्नुहोस् । तपाईं हामीसंग फेसबुक, ट्वीटरयुट्युव मार्फत् पनि जोडिन सक्नुहुन्छ ।

मुख्य खबरहरु

१ प्रतिकृया प्राप्त
  • kriparam लेख्नुहुन्छ    |   २०७४ फागुन ३० गते १:२१

    मृत्यु दण्ड को व्यवस्था नेपाल मा चाहिन्छ जस्तो लाग्यो .

    त्यो व्यवस्था नहुन्जेल – सर्वस्व हरण सहित आजीवन कठोर काराबाश हुने पर्छ

    7
    0
    Share

यसमा तपाइको मत




फेसबुकबाट तपाईको प्रतिक्रिया

Also you may like this