६ चैत, बागलुङ । बुटवलबाट बुर्तिबाङ आउँदै गरेको लु१ख ७४३९ नम्बरको रात्रि बस मंगलबार बिहान दुर्घटना हुँदा तमानखोला गाउँपालिका-३ की ८४ वर्षीया कुमारी बुढाको मृत्यु भएको छ ।
करिब ५ बजे मध्यपहाडी लोकमार्गमा पर्ने बुर्तिबाङ नगरपालिका–१ खप्तरीवाङमा परेको बस दुर्घटनामा १० यात्रु घाइते भएका छन् ।
घाइतेको प्राथमिक स्वास्थ्य केन्द्र बुर्तिबाङमा उपचार भइरहेको इलाका प्रहरी कार्यालय बुर्तिबाङका प्रहरी निरीक्षक कृष्ण राना मगरले जानकारी दिनुभयो । घाइतेमध्ये एकको अवस्था गम्भीर छ ।
बस सडकदेखि झण्डै २५ मिटर तल बडीगाड खोलामा खसेको प्रहरीले जनाएको छ । दुर्घटनाको कारण खुल्न सकेको छ्रैन ।
