७ चैत, काठमाडौँ । आगामी अप्रील र मे महिनामा सगरमाथा आरोहणको तयारी गरिरहेका प्रथम महिला पत्रकार सगरमाथा आरोहण-२०१८ समूहलाई जनजाति महिला महासंघले अार्थिक सहयोग गरेको छ । संस्थाले काठमाडैंमै ६४ हजार रूपैयाँ सहयोग हस्तान्तरण गरेको हो ।
संस्थाकी नवलक्ष्मी राईले रकम हस्तान्तरणा गर्ने कार्यक्रम भएपनि आन्तरिक समस्याका कारण सीता राईले संस्थाको प्रतिनिधित्व हस्तान्तरण गरेकी हुन् ।
अारोही महिला पत्रकारहरूलार्इ आर्थिक सहयोग जुटाउने क्रममा आदिवासी जनजाति महिला महासंघ बेलायतले पनि सहयोग गरेको हो ।
नेपाली युवा महिला पत्रकारहरुले सगरमाथा आरोहणको लागि देखाएको साहस र हिम्मतको कदर गर्दै आर्थिक सहयोग प्रदान गरेको संस्थाले जनाएको छ ।
समूहमा राष्ट्रिय समाचार समितिकी रोशा बस्नेत, न्यूज-२४ टेलिभिजनकी प्रिया लक्ष्मी कार्की, मेगा टेलिभिजनकी कल्पना महर्जन, नेपाल टेलिभिजनकी रोजिता बुद्धाचार्य र स्वतन्त्र पत्रकार देउराली चामलिङ छन् ।