१० चैत, काठमाडौं । फ्रान्सको एक सुपरमार्केटमा बन्धक छुटाउन आफ्नो ज्यान जोखिममा राखेका एक प्रहरीको मृत्यु भएको छ ।
४५ वर्षीय लेफि्टनेन कर्णेल आर्नो बाल्ट्रामले बन्धक बनाइएका सार्वसाधरणलाई छुटाउन आफूलाई आक्रमणकारीको जिम्मा लगाएका थिए ।
आक्रमणकारीले एक ग्राहक र स्टोरका कर्मचारीको हत्या गरेका थिए । अरुलाई सुरक्षित रुपमा बाहिर निकालेपछि आक्रमणकारीले एक महिलालाई मानव ढालका रुपमा प्रयोग गरेका थिए ।
बाल्ट्रामले महिलालाई छुटाउन आफू आक्रमणकारीलाई जिम्मा लगाएका थिए । प्रहरीको अपरेशनका क्रममा अक्रमणकारी मारिए तर, बाल्ट्राम पनि गम्भीर घाइते भएका थिए । उनको उपचारका क्रममा मृत्यु भएको आन्तरिक मामिलामन्त्री जेरा कोलोले ट्वीटरमा जानकारी दिएका छन् ।
उनले लेखेका छन्, ‘उनले देशका निम्ति मृत्युवरण गरे । फ्रान्सको उनको सहास, बहादुरी र त्यागलाई कहिल्यै बिर्सने छैन ।’
राष्ट्रपति एमानुएल माक्रोले बाल्ट्राक नायक जस्तै लडेको र अवपादपूर्ण साहस देखाएको बताएका छन् ।