आइतबार बेलुकी नायक प्रदिप खड्का, निर्देशक मिलन चाम्स, नायिका जसिता गुरुङ, गायक प्रताप दास चलचित्र ‘लिलिबिली’को प्रचारका लागि भन्दै पोखरा उडे । पोखरामा आयोजना हुन लागेको कन्सर्टको प्रचार पहिलेदेखि नै भएकाले दर्शक नायक प्रदिप आउने प्रतिक्षामा थिए ।
बेलुकी ५ बजेपछि भनिएको कन्सर्टमा दर्शक त उपस्थित भए, तर प्रदिप र जसिता उपस्थित हुन सकेनन् । चलचित्र ‘लिलिबिली’को प्रचारका लागि पोखरामा दर्शकसँग साक्षात्कार गर्न पोखरा उडेको टिमलाई मौसमले धोका दियो ।
पोखराको मौसम खराब भएपछि प्लेन ल्यान्ड गर्न सकेन र प्लेन काठमाण्डौ नै फर्कियो । निर्देशक चाम्स भन्छन्-‘करिब २ घन्टा हावामै उड्यौ । प्लेन पोखरा ल्यान्ड हुन नै सकेन ।’
पोखराका दर्शक भने प्रदिपलाई पर्खिरहेका थिए । आफू पोखरा पुग्न नसकेपछि प्रदिपले अडियो सन्देश पठाए । उनले, आफू पोखरा आउन नसकेको भन्दै अडियो सन्देश फ्यानलाई पठाएका थिए ।
प्रदिपलाई हेर्ने इच्छाका साथ बसेका यूवतीहरु रुन थाले । पोखरामा कार्यक्रम गर्न नसकेको यसको टिमले आज चितवनमा पत्रकार सम्मेलन र कार्यक्रमको आयोजना गर्दैछ ।
चैत्र ३० गतेबाट रिलिज हुन लागेको यो चलचित्रलाई गोविन्द शाही, सुदिप खड्का र मिलन चाम्सले मिलेर बनाएका हुन् ।
प्रदिप र जसितासँग गरिएको ‘मस्ती टक’को भिडियो यहाँ हेर्नुहोस्ः