सोमबार, १० वैशाख, २०७५
Ruslan
OnlineKhabar.com

यो सुन्दरी प्रतियोगिता होइन, उहिलेका कुरा नगरौं !

अनलाइनखबर

यस वर्षको मिस नेपालको उपाधि हेटौंडाकी श्रृङ्खला खतिवडाले जितिन् । उनी कम्युनिष्ट नेता एवं सांसदद्वय विरोध खतिवडा र मुनु सिग्देलकी छोरी हुन् । मिस नेपाल बनेकी श्रृङ्खलाका पिता एवं एमाले नेता विरोध खतिवडा प्रतिनिधिसभाका सदस्य हुन् भने आमा मुनु एमाले मकवानपुरकी अध्यक्षका साथै प्रदेश-३ कि सांसद हुन् ।

बुधबार राति श्रृङ्खला खतिवडाले मिस नेपालको उपाधि हात पारे पनि आमाबुवासँग उनको सम्पर्क हुन पाएन । ‘आयोजकहरुले विहीबार बिहानसम्म छोरीलाई उनीहरुकै साथमा राखेका छन्, फोन स्वीच्ड अफ छ, मसँग फोन सम्पर्कसमेत हुन पाएको छैन,’ सांसद खतिवडाले अनलाइनखबरसँग भने, ‘आमा पनि यतिबेला नेपालमा छैनन्, अमेरिका र मेक्सिकोतिर घुमिरहेकी छिन् ।’

आफ्नी छोरी मिस नेपाल बनेकोमा खुशी लागेको एमाले नेता खतिवडाले अनलाइनखबरलाई बताए । विगतमा कम्युनिष्टनिकट महिला संघका नेतृत्वहरुले ‘सुन्दरी प्रतियोगिता’ को विरोध गर्थे, अहिले कम्युनिष्टकै छोरी मिस नेपाल बनेको प्रशंग उठाउँदा उनले नेपालका वामपन्थीहरुले उहिलेको सोचाइ त्याग्नुपर्ने सुझाव दिए ।

कम्युनिष्ट नेता खतिवडाले अनलाइनखबरसँग भने- ‘राम्रा कुराहरु पुँजीवादको पनि स्वीकार्नुपर्छ । नराम्रा कुराहरु समाजवादको पनि फ्याँक्नुपर्छ । वामपन्थी र उ भन्ने कुरै भएन । अहिलेको युग र अहिलेको जेनेरेशनअनुसार आफ्नो दृष्टिकोण फराकिलो बनाउनुपर्छ ।

आफ्नी छोरी मिस नेपाल घोषित हुँदा कस्तो अनुभूति भइरहेको छ भनेर अनलाइनखबरले श्रृंखलाका पिता एवं चर्चित सांसद खतिवडासँग गरिएको कुराकानीः

कामरेडलाई आफ्नी छोरी मिस नेपाल भएकोमा कस्तो लागेको छ ?

सबैका बुबाले अनुभुति गर्न सक्ने कुरा मैले मुखले के भन्नु ? छोरीले उपाधि पाउँदा कुनचाँहि बाबुआमा खुसी नहोलान् र ?

श्रृंखलाजीको पृष्ठभूमिबारे पाठकलाई संक्षिप्तमा बताइदिनु न, उनी कस्ती युवती हुन् ?

आर्किटेक्ट इञ्जिनियर पढेकी हुन् । आर्किटेक्ट इन्जिनियरमा १० सेमेस्टरमध्ये चार/ पाँच सेमेस्टरमा नेपाल टप गरेकी थिइन् भनेपछि कस्ती होलिन् अनुमान गर्नुपर्‍यो नि ।

तपाईका छोराछोरी कतिजना ?

एक छोरी र एक छोरा हुन् । छोरा ब्याचलर सकेर अष्ट्रेलियामा पढ्दैछन् ।

तपाईले मुनुजी दुबैले आफ्नो फेसबुक स्टाटसमा छोरीलाई ‘भोट फर श्रृंखला’ भनेर लेख्नुभएको रहेछ । दुबै चर्चित बा-आमा भएकाले पो श्रृंखला खतिवडा मिस नेपाल भएकी हुन् कि ?

मिस पपुलर र सबैभन्दा धेरै भोट पाउने त अरु नै छन् । बाआमाको लोकपि्रयताले काम गर्ने भए त मेरो छोरो पनि कतै ट्यालेन्ट भएर बस्थ्यो होला ।

यदि बाआमाको लोकप्रियताले काम गर्ने हो भने त शेरबहादुरजीका छोरा वा अरु पूर्वप्रधानमन्त्रीका छोराछोरी पनि आउँथे होला । मजस्तो लुम्रोझुम्रो मान्छेकी छोरीले किन उपाधि पाउने ?

पहिले-पहिले त अनेम संघका नेतृहरुले ‘सुन्दरी प्रतियोगिताको विरोध गरौं’ भन्दै सडकमा जुलुसै निकाल्थेे । अहिले कम्युनिष्ट नेताहरुकै छोरी मिस नेपाल घोषित हुन थाले । के अब नेपालका कम्युनिष्टहरु फेरिएका हुन् ?

अब यो उहिलेका कुरा गर्ने हो भने त माओवादीलाई उग्रवादी भन्थे । कांग्रेसलाई भारतीय दलाल भन्थे । एमालेलाई संसोधनवादी भन्थे । अहिले यो कुरा सान्दर्भिक होला र ?  हुन्नजस्तो लाग्छ मलाई । बन्दूकको नालबाट सत्ता खोज्ने कम्युनिष्टहरु शान्तिपूर्ण प्रतिस्पर्धामा आइसके । माओत्सेतुङले यसो भन्थे भनेर साध्य नचल्ला अब ।

अहिलेको युगअनुसार, समयअनुसार परिमार्जन हुन्छ । राम्रा कुराहरु पुँजीवादको पनि स्वीकार्नुपर्छ । नराम्रा कुराहरु समाजवादको पनि फ्याँक्नुपर्छ ।

तपाईको विचारमा ‘सुन्दरी प्रतियोगिता’ राम्रो हो ? यसलाई कम्युनिष्टहरुले कसरी हेर्ने ?

सुन्दरी प्रतियोगिता नै हैन नि यो । शब्द नै मिलेन । सुन्दरी प्रतियोगितामा त जिउडाल, हाउभाउ, अंग-प्रत्यङ्ग सबैको हिसाब हुन्छ ।

मिस नेपालमा त बौद्धिक प्रश्नोत्तर भएको छ । प्रश्नोत्तर गरेर नै मिस नेपाल छानेको हो । जिउडाल राम्रो छ भनेर प्रतिस्पर्धा गराएको देखिएन । को ट्यालेन्ट छ भनेरै प्रतिस्पर्धा गराएको पाएँ मैले ।

उसोभए यो विगतमा अनेमसंघले भनेजस्तो ‘सुन्दरी प्रतियोगिता’ होइन ?

सुन्दरी भन्ने होइन, मिस ट्यालेन्ट भने पनि हुन्छ, मिस नेपाल भने पनि हुन्छ ।

स्वाभाविक हो, प्रतियोगितामा सहभागीमध्ये मान्छेको शरीर पनि स्वस्थ्य हुनुपर्छ । लुक्स पनि स्वाभाविक देखिनुपर्‍यो । मुख्य कुरो त आन्तरिक सौन्दर्य नै हो ।

तर, तपाईले यसो भनिरहँदा गाउँमा जन्मेका गरिवका छोराछोरीहरु, जो वाल्यकालमै पोषण नपुगेर नराम्रा र रोगी छन्, तिनीहरुको चित्त दुख्दैन ?

उनीहरुलाई अगाडि बढाउनु पर्‍यो नि । यसमा कुनै विवादै छैन । अपाङ्गता भएकालाई के गर्ने ? क्यान्सर लागेकालाई के गर्ने भनेर जटिलतामा लान हुन्न । सबै पक्षलाई स्वीकार्दै लानुपर्छ । म पनि त गाउँबाटै आएको हुँ ।

भनेपछि वामपन्थीहरुले पनि अहिलेको परिस्थिति अनुसार मिस नेपाल प्रतियोगितामा सहभागी हुनुपर्‍यो ?

वामपन्थी र ऊ भन्ने कुरै भएन । अहिलेको युग र अहिलेको जेनेरेशनअनुसार आफ्नो दृष्टिकोण फराकिलो बनाउनुपर्छ । विकास गर्ने, विभिन्न पक्षको प्रविधि, कानुन, शिक्षा, स्वास्थ्य, वातावरण सबै पक्षको जानकारी लिएर आफ्नो ज्ञानको दायरालाई अझ अग्लो बनाउने काम गर्नुपर्छ ।

उनी राजनीतिक रुपमा पनि कतै आबद्ध भइ्न कि भइनन् ?

पढ्ने बेला पुल्चोक क्याम्पसमा अनेरास्ववियुतिर संगठित भइन् होला । स्ववियु चुनावमा भोट अनेरास्ववियुलाई हाल्ने बाहेक अरु त्यस्तै कुनै गतिबिधि गरे जस्तो लाग्दैन । एकपटक कोषाध्यक्ष उठ भन्दा मिल्ने साथी अर्को प्यानलबाट उठेकाले मानिनन् । पार्टीमा संगठित सदस्य दिएको छैन अहिलेसम्म । उनी एमालेको भोटरमात्र हुन् ।

यो पनि पढ्नुस् 

श्रृङ्खला खतिवडाले जितिन् ‘मिस नेपाल’को उपाधि

२०७४ चैत २९ गते १०:५४ मा प्रकाशित (२०७४ चैत ३० गते ११:४९मा अद्यावधिक गरिएको)

सम्बन्धित शीर्षकहरु

अनलाइनखबर सिधै एपबाट खोल्नुहोस् । एन्ड्रोइडका लागि यहाँ र आइफोनका लागि यहाँ क्लिक गर्नुहोस् । तपाईं हामीसंग फेसबुक, ट्वीटरयुट्युव मार्फत् पनि जोडिन सक्नुहुन्छ ।

मुख्य खबरहरु

१३ प्रतिकृयाहरू प्राप्त
  • pidit लेख्नुहुन्छ    |   २०७४ चैत २९ गते ११:०९

    एस्लाई भन्छन प्रजातान्त्रिक समाज बाद ..`बिरोध खतिवडा

    14
    1
    Share

  • baburam लेख्नुहुन्छ    |   २०७४ चैत २९ गते १२:५२

    मिस नेपालमा वौद्धिकताको परिक्षण हुन्छ भन्नु र भट्मिा गएपछि अग्रेंजी बोल्न सिकिन्छ भन्नु एउटै हो ।। दुवै कुरामा मलाई घृणा छ

    36
    7
    Share

  • खडुनिधि संग्रौला, दुधे, झापा लेख्नुहुन्छ    |   २०७४ चैत २९ गते १२:५४

    सुन्दरी प्रतियोगिता नै हैन प्रश्नोत्तर गरेर नै मिस नेपाल छानेको हो

    उहिलेका कुरा गर्ने हो भने त कांग्रेसलाई भारतीय दलाल भन्थे
    _________________________________________________

    हेर ! हेर !! यी कमन्युस्टको छेपारे बोलि !!
    हिजै हो हाम्रो गाँउमा दुधे कैजले झापामा लिपिस्टिक र मिनीस्कर्ट लाए यी साम्राज्यबादी बिकृति हुन् भनेर गाँउका २-३ वटी केटिलाई कालो जलेको मोबिल दलेर गाँउ घुमाएको – आज आएर त्यै लुगा आफ्नी छोरीले लाउदा स्मार्ट , जान्ने , बिधुशी ,मिस ट्यालेन्ट????
    पन्चे, मण्डले, मावो , माले, मसालेले मात्र कांग्रेसलाई भारतीय दलाल भन्थे अहिले आएर तिनका प्रस्तावित अध्यक्ष्यले २०५२ – २०६३ दिल्लीमा उतैको निर्देसनमा त्यत्रो १७००० गरिब नेपाली मारे, २० खर्ब रुपियाँको नोकासन गरे त्यो पनि क्रान्तिकारी ?????
    कति बेकुफ बनाउन सकेका होलान हामी नेपाली लाई
    /??????????????
    आफ्नो बिगतको गल्ति स्विकार्नु परो कमरेड तर्क ले हुदैन

    48
    3
    Share

  • Kamasa Karki लेख्नुहुन्छ    |   २०७४ चैत २९ गते १३:११

    This is the attitude that if it is with me its good otherwise its bad.

    15
    1
    Share

  • chandra लेख्नुहुन्छ    |   २०७४ चैत २९ गते १३:१२

    Nepal ma KAMAUNIST matrai xan Communist xainan!

    20
    1
    Share

  • आज रमिता छ लेख्नुहुन्छ    |   २०७४ चैत २९ गते १३:२७

    ठीकै छ, कुरो तियसो भए।
    तर अब बिदेशमा सुन्दरी प्रतियोगितामा नेपालको प्रतिनिधि भएर जाँदा त जीउडाल नदेखाई सुखै छैन नि, माननिय ज्यूले टिभी मा त देख्नुनै भएको होला।
    अब त्यहाँ बौद्वीकता मात्र हेरेर निर्णय त ….खै……,,,,

    25
    2
    Share

  • Shyam लेख्नुहुन्छ    |   २०७४ चैत २९ गते १४:१६

    आर्किटेक्ट इञ्जिनियर vanya chai k ho communist je. Ya ta architect huncha ya ta engineer….ke both study gardai ho?? Architect ra engineer vinda vandai hun k…..

    8
    9
    Share

  • ऋषि लेख्नुहुन्छ    |   २०७४ चैत २९ गते १४:२३

    अाफ्नो अनुकुलको व्याख्या गरेर कतिदिन नेपालीजनको अाँखामा छारो हाल्ने प्रयास गर्ने हुन हाम्रा नेतागणहरू । सुन्दरी प्रतियोगिता होइन भन्दा लाज लाग्नु पर्ने हो नि । के यो प्रतियोगितामा मेरी अपाङ्ग बहिनी प्रतिर्स्पर्धा गर्न पाउँछिन् ? उत्तर छ नेताज्यू । सिधा भन्नुस्, छोराछोरीको बिषयमा बाबुअामाको हस्तक्षेप हुनु हुदैन तसर्थ, मिस नेपाल प्रतियोगितामा भाग लिनु नलिनु छोरिको व्यक्तिगत अधिकार क्षेत्र हो भनेर । बोैद्दिक प्रतियोगिता गर्ने हो भने स्टेजमा क्याट वाल्क गर्न जरूरी छ ? उपाधी र ताज पाउने प्रलोभनमै असमान प्रतिर्स्पर्धामा रमाउने हाम्रा दिदीबहिनी हरू बुझुन्, पितृ सतात्मक हाम्रो समाज अाज पनि अनेक बहानामा महिलाहरूलार्इ मनोरञ्जनको साधन बनार्इ रमिते बनेको छ र तपाइ बुझेका मानिसहरू पनि यसको हिस्सा लिँदै मतियार बनिरहनु भएको छ । मिस नेपाल प्रतियोगितालार्इ सुन्दरी प्रतियोगिता होइन भनेर व्याख्या गर्ने कानुन विद् तपाइ माननियज्यू एक पटक सोचेर बोल्नुुहोस कि तपाइको ब्रम्हले यो वाणी सहर्ष स्वीकारेको छ ? के बोैद्दिक परिक्षण अर्धनग्न शरीरले क्याटवाक गर्दै दुइचार वटा प्रश्नले मापन हुन्छ ? यदि यो शोषण होइन भने चर्को शुल्क तिरेर मानिसहरू किन यस्तो प्रतियोगिता हेर्न जान्छन् ? यसले नेपाली समाजलार्इ कुन कोणबाट परिवर्तनको दिशा निर्देश गर्दछ ? प्रतिभाशाली अार्किटेक्ट हजुरकी छोरी मिस नेपाल भएपछि मोडलिङ गर्ने कि इन्जिनियरिङ क्यारियर बनाउने ? धनाद्य मुलुकका बिलासी मानिसहरूको भिडले मनोरञ्जनका लागि तयार पारेर विरोधका अावाज थुन्न दुइचार पुर्व निर्धारित प्रश्न तेर्स्याउँदैमा सुन्दरी प्रतियोगिता बोद्दिक प्रतियोगिता हुन कदापी सक्दैन । यस्ता बिषयमा तटस्थ भएर बस्दा बरू माननियज्यूको पुर्व मान सम्मान यथावत रहला कि । संसदमा यहाँले खेल्ने भुमिकालार्इ अाम जनताले मन पराइरहेका बेला यस्ता विचारले सबै अास्था पखालिन्छन् माननियज्यू ।

    22
    3
    Share

  • up लेख्नुहुन्छ    |   २०७४ चैत २९ गते १६:५५

    Dui mukhe Communist.Afu le galti bole ra je galti gare pani thik .Aru le sahi bole ra thik gere pani bethik.
    Not communist but Kamaunist.

    6
    2
    Share

  • AJAY लेख्नुहुन्छ    |   २०७४ चैत २९ गते १७:२०

    sutkeri Bhatta khaayera janmayeko chhori ho,talent ta hunai paryo ni!!!!!

    12
    1
    Share

  • ram लेख्नुहुन्छ    |   २०७४ चैत ३० गते १२:४५

    सभासद खतीवडाकाे बिचार अाजका कम्न्युनीस्टहरू खाअाेबादमा परीबर्त्नकाे भएकाे पुस्टाइ हाे ।ताल परे गाेतामे, भ्याकुताे देखे बाहीर हात, माच्छा देखे दुलाे भीत्र हात अादी उखान जस्तै हाे खतीवडाकाे तर्क…..

    14
    0
    Share

  • Silver Channel लेख्नुहुन्छ    |   २०७५ वैशाख १ गते १२:४१

    Miss nepals answer: beauraucratic system of nepal is corrupted from bottom to top, change it fully.. so she should start with throwing her own dad away, who is part of this corrupt system…– if she does that then she would be truly THE MISS NEPAL! like we know, barking dogs seldom bite, this isnt happening and miss nepal was chosen based on a completely general answer, like always! Her father, Mr khatiwada who doesnt have a clue about what miss nepals reality is.. it of course includes, physical traits, beauty judgement and what is he saying? its an intellectutal exam?– this we all dont even need to think twice, we all know the reality.. i would have expected a much better interview from a lawyer.. huna ta afno nahunjel tehi miss nepal ko birodh garne, afno vaechi sab jayaj jamana anusar chalna parne vo.. chaala communist ko odera hidne esta musa haru lai jitaune pare hami nepali!

    3
    0
    Share

  • lucky bhawani लेख्नुहुन्छ    |   २०७५ वैशाख ४ गते २२:०४

    पहिले–पहिले त अनेम संघका नेतृहरुले ‘सुन्दरी प्रतियोगिताको विरोध गरौं’ भन्दै सडकमा जुलुसै निकाल्थे । आफ्नो मन नपरेको कुरालाई सामान्तवाद भन्थे र नारा जुलुस गरीहाल्थे । अहिले कम्युनिष्ट नेताहरुकै छोरी मिस नेपाल घोषित हुन थाले । के अब नेपालका कम्युनिष्टहरु फेरिएका हुन् की ?

    0
    0
    Share

यसमा तपाइको मत




फेसबुकबाट तपाईको प्रतिक्रिया

Also you may like this