सोमबार, १० वैशाख, २०७५
Ruslan
OnlineKhabar.com

बार्सिलोनाले बनायो ३९ खेलमा अपराजित रेकर्ड

अनलाइनखबर

१ वैशाख, काठमाडौं । बार्सिलोनाले स्पेनिस ला लिगामा ३९ खेलमा अपराजित रहँदै नयाँ कीर्तिमान बनाएको छ ।

शनिबार भ्यालेन्सियालाई २-१ गोल अन्तरले हराउँदै बार्सिलोनाले यो रेकर्ड बनाएको हो । यसअघि १९७८/७९ र १९७९/८० को सिजनमा रियल सोसिडाड ३८ खेलमा अपराजित थियो ।

नाउ क्याम्पमा भएको खेलमा बार्सिलोनाले १५ औं मिनेटमा लुइस स्वरेजको गोलबाट अग्रता लिएको थियो । खेलको ५१ औं मिनेटमा उम्टिटीले घरेलु टोलीको अग्रता दोब्बर पारे ।

निर्धारित समयको खेल सकिन ३ मिनेट बाँकी छँदा पाएको पेनाल्टीमा भ्यालेन्सियाका पारेजोले गोल गरे पनि हार टार्न सकेनन् । त्यसअघि बार्सिलोनाका गोलकिपरले गम्भीर गल्ती गरेका थिए तर, कार्लोस सोलेरको क्रसमा रोड्रिगोको प्रहार गोललाइनबाट क्लियर गरेका थिए ।

जितपछि बार्सिलोनाको ३२ खेलबाट ८२ अंक भएको छ र उपाधिका लागि अब मात्र ७ अंक चाहिन्छ ।

२०७५ वैशाख १ गते २२:५५ मा प्रकाशित

सम्बन्धित शीर्षकहरु

अनलाइनखबर सिधै एपबाट खोल्नुहोस् । एन्ड्रोइडका लागि यहाँ र आइफोनका लागि यहाँ क्लिक गर्नुहोस् । तपाईं हामीसंग फेसबुक, ट्वीटरयुट्युव मार्फत् पनि जोडिन सक्नुहुन्छ ।

मुख्य खबरहरु

यसमा तपाइको मत




फेसबुकबाट तपाईको प्रतिक्रिया

Also you may like this