एनएमबी बैंकको सातौं हेरिटेज वाक

९ वैशाख, काठमाडौं । एनएमबी बैंकले बैशाख ८ गते शनिवार विश्व सम्पदा दिवसको अवसरमा “सातौ एनएमबी बैंक हेरिटेज वाक – २०१८” आयोजना गरेको छ । बैंकले राजधानी लगायत अन्य क्षेत्रीय कार्यालयहरुमा समेत बिभिन्न कार्यक्रमहरुको आयोजना गरी देशव्यापि रुपमा “सातौ एनएमबी बैंक हेरिटेज वाक – २०१८” मनाएको हो ।

यस कार्यक्रमको मुख्य उद्देश्य आम जनमानसमा ऐतिहासिक सम्पदाकोे महत्व बुझाउनु तथा भावी सन्ततीका लागि तिनको संरक्षणमा चेतना जगाउनु हो ।

यस “सातौ एनएमबि बैंक हेरिटेज वाक – २०१८” को उद्घाटन एनएमबी बैंकका संचालकहरु तथा प्रमुख कार्यकारी अधिकृतले संयूक्त रुपमा बैंकका कर्मचारीहरुका माझ गरेका छन् ।