९ वैशाख, काठमाडौं । प्रधानमन्त्री केपी शर्मा ओलीले कांग्रेस सभापति शेरबहादुर देउवामाथि नेपाली पत्रकारहरुको अपमान गरेको आरोप लगाएका छन् ।
देउवाले ‘अधिनायकवाद आइसक्यो, पत्रपत्रिका ओलीविरुद्ध लेख्न डराइसके’ भनेको सुनेको भन्दै ओलीले भने, ‘पत्याउनुहुन्छ ? प्रधानमन्त्रीविरुद्ध लेख्न डराउँछन् रे !’
अघि भने, ‘भन्न कसरी सकेको ? नेपालका पत्रकारहरुको यत्रो अपमान गर्ने आँट कसरी आयो ?’
कम्युनिष्ट पार्टी स्थापना दिवसको अवसरमा आयोजित कार्यक्रममा एमाले अध्यक्ष समेत रहेका प्रधानमन्त्री ओलीले आफूलाई लोकतन्त्रवादी भन्नेहरुले तानाशाही भएको बताए ।
२००७ सालपछि चार वर्षसम्म कम्युनिष्ट पार्टीलाई प्रतिबन्ध लगाएको र ०१२ सालमा टंकप्रसाद आचार्यले हटाएको स्मरण गरे ।
