विश्वकै सबैभन्दा पाको उमेरकी महिलाको जापानमा मृत्यु भएको छ । १ सय १७ वर्षकी नाबी ताजिमाको किकाइ सहरस्थित स्थानीय अस्पतालमा शनिवार मृत्यु भएको हो ।
यो सहर जापानको दक्षिणी कागोसिमा पर्फेक्चरमा पर्दछ ।
उनी गत जनवरी महिनादेखि उक्त अस्पतालमा उपचाररत थिइन् ।
ताजिमाको जन्म सन् १९०० को अगष्ट ४ तारेखमा भएको थियो । उनी बीसौँ शताब्दीको पहिलो वर्ष जन्मिएका मध्ये एकमात्र जिवित मानिस थिइन् ।
अब उनको मृत्युपछि विश्वमा सबैभन्दा बढि उमेरका मानिसको उपाधि जापानकै चियो मियाकोले पाउनेछन् । मियाकोको जन्म ताजिमा भन्दा एक वर्षपछि अर्थान् सन् १९०१ को मे २ तारेखमा भएको थियो ।
शनिवार निधन भएकी ताजिमाबाट छोराछोरी, नाति नातिनी, पनाती पनातिनी तथा खनाती खनातिनी गरी १ सय ६० सन्तान छन् ।
एजेन्सी