बलिउड जोडी रणवीर कपुर र दीपिका पादुकोणबीच ब्रेक अप भएको पाँच वर्ष पुगिसकेको छ । यो पाँच वर्षमा उनीहरुबीच पानी बाराबारको जस्तै स्थिति थियो ।
यतिबेला दीपिका अर्का रणवीर (सिंह) सँग रिलेसनसीपमा छिन् । उनीहरुको चाँडै बिहे हुने कुरा पनि चलिरहेको छ । यता रणवीरले भने दीपिकापछि कटि्रना कैफसँग गहिरो प्रेम गरे । तर त्यो प्रेम पनि टुटेर उनी यतिबेला सिंगल नै छन् ।
यसैबीच हालै दीपिका र रणवीर एउटा कार्यक्रममा सँगै देखिएका छन् । उनीहरुले एउटा र्याम्प शोमा एकसाथ प्रस्तुति दिएका थिए । त्यस कार्यक्रमको एउटा भिडियो बाहिर आएको छ, जसमा दीपिका र रणवीरको आँखा जुधेको देखिन्छ । छुट्टएिको पाँच वर्षपछि यसरी आँखा जुध्दा उनीहरुको मनमा के गुज्रियो, उनीहरुलाई थाहा होला, भारतीय मिडियाहरुलाई भने गसिपको एउटा मसला प्राप्त भएको छ ।
तमाशा फिल्ममा सँगै काम गरेदेखि दीपिका र रणवीरले स्क्रिन सेयर गरेका छैनन् । तर, हालै एक अन्तरवार्तामा रणवीरले दीपिकासँग फिल्म खेल्न तयार रहेको बताएका थिए ।