५ जेठ, काठमाडौं । सेयरबजारमा यो साता कारोबार ४५ प्रतिशतले घटेको छ । गत साता सेयर बजारमा दुई अर्ब १९ लाख ९९ हजार रुपैयाँ बराबरको सेयर कारोबार भएकोमा यो साता एक अर्ब आठ करोड १९ लाख ४१ हजार रुपैयाँ बराबरको सेयर कारोबार भएको छ ।
यो साता नेपाल स्टक एक्सचेन्जमा १७६ कम्पनीहरुको कारोबार भएको छ । गत साता भने साता १ सय ८१ कम्पनीहरुको कारोबार भएको थियो । त्यसैगरी गत साता ४८ लाख १२ हजार सात सय ७० कित्ता सेयरहरु खरिद बिक्री भएकोमा यो साता २३ लाख २९ हजार चार सय ४० कित्ता सेयरहरु खरिद बिक्री भएका छन् ।
साताको नेप्से परिसूचक पहिलो दिनको तुलनामा १.४८ अंकले बढेर अन्तिम दिन १ हजार ३ सय ३९.६५ अंक कायम भएको छ । ‘क’ वर्गका कम्पनीहरुको कारोबार मापन गर्ने सेन्सेटिभ इन्डेक्स पनि पहिलो दिनको तुलनामा ०.१२ अंकले ब्ाढेर २ सय ८२.३० अंकमा आईपुगेको छ ।
यस साता कारोबार रकम र कारोबार सेयर संख्याको आधारमा सिद्धार्थ बैंक लिमिटेड अग्रस्थानमा देखिएको थियो ।
यस साता सूचिकरण तर्फ निम्न कम्पनीको शेयर सूचीकृत भएको छ ।
सि.नं | कम्पनीको नाम | सूचीकृत धितोपत्रको किसिम | सूचीकृत धितोपत्र संख्या |
---|---|---|---|
१ | डिप्रोक्स लघुवित्त वित्तीय संस्था लिमिटेड | बोनस | ९६९७९३.६६ कित्ता |
२ | प्रभु बैंक लिमिटेड | हकप्रद | २११९९३२१कित्ता |
३ | नेसनल माइक्रोफाइनान्स वित्तीय संस्था लिमिटेड | बोनस | २०३५६० कित्ता |
४ | शाइन रेसुङ्गा डेभलपमेन्ट बैंक लिमिटेड | बोनस | २७५७२३१ कित्ता |
५ | सिर्जना फाइनान्स लिमिटेड | बोनस | ९८२८००कित्ता |
६ | समता माइक्रोफाइनान्स वित्तीय संस्था लिमिटेड | बोनस | ६३२०० कित्ता |
७ | मितेरी डेभलपमेन्ट बैंक लिमिटेड | बोनस | ११९७०६९.४४ कित्ता |
८ | पोखरा फाइनान्स कम्पनी लिमिटेड | हकप्रद | ९८३६८२.७४ कित्ता |
९ | पि्रमियर इन्स्योरेन्स कम्पनी -नेपाल) लिमिटेड | बोनस | ६९५३९७ कित्ता |
( स्रोतः नेप्से )