१२ जेठ, काठमाडौं । राजधानीको होटल अन्नपुर्णमा भारतीय शैक्षिक मेलाको आयोजना गरीने भएको छ । नेपाल ईन्डीया काउन्सील फर एजुकेसन (नाईस)को आयोजनामा हुने शैक्षिक मेलामा भारतमा रहेका विभिन्न लोकप्रिय युनिभर्सिटि तथा कलेजहरुको कार्यक्रम र भर्ना प्रक्रियाका बारेमा जानकारी दिईनेछ ।१० वर्ष भन्दा लामो समय व्यवसायिक ढंगले काम गरेका परामर्शदाताहरुले एउटै थलोमा बसेर सत्यतथ्य तथा भरपर्दो जानकारी उपलब्ध गराउने भएकाले मेला नेपाली विद्यार्थीको लागी विशेष रहने आयोजकले बताए ।
विद्यार्थीलाई युनिभर्सिटीको बारेमा मात्र नभएर अबको विश्व बजारमा कुन विषय लिएर पढ्दा आफ्नो भविष्य राम्रो बन्छ भन्ने विषयमा पनि जानकारी दिईने आयोजकले बताए । ‘मेला युनिभर्सिटी र कलेज छान्ने मात्र नभई भविष्य खोज्ने अवसर पनि विद्यार्थीले पाउँनेछन् । मेलामा युनिभर्सिटी तथा कलेजका आधिकारीक व्यक्तिबाट प्रत्यक्ष जानकारी दिईने आयोजकले जनाएको छ ।
नेपाल ईन्डीया काउन्सील फर एजुकेसन (नाईस) नेपाल र भारतको शिक्षलाई उच्च व्यवसायिकताका साथ प्रवर्दन गर्ने उद्देश्यले स्थापना भएको संस्था हो ।
मेलामा सहभागी विद्यार्थीलाई छात्रबृत्ति व्यवस्था गरीनुको साथै भारतमा अध्ययनको लागी जाँदा भुटान एयरलाईन्सले न्युनतम भाडादरमा टिकट उपलब्ध गराउने बताईएको छ ।
सारदा युनिभर्सिटी मुख्य प्रायोजक रहेको उक्त मेलाको बेङलोर टेक्नोलोजिकल ईन्टीच्युडले सह–प्रायोजन गरेको छ । मेलाको मिडिया पाटनर एस म्यागेजिन रहेको छ ।
