Comments Add Comment

शंकास्पद वस्तुले आठ घण्टा अवरुद्ध सडक खुल्यो

रुपन्देहीको ड्राइभरटोल-शिवपुर सडक खण्डमा फेला परेको शंकास्पद बस्तु

१४ जेठ,  बुटवल । शंकास्पद वस्तु फेला परेपछि आठ घण्टासम्म अवरुद्ध रुपन्देहीको ड्राइभरटोल-शिवपुर सडक खण्ड सोमबार बिहान ८ बजेदेखि खुलेको छ ।  गएराति १२ बजे ड्राइभरटोलदेखि पूर्व करिब एक किलोमिटर दुरीमा सडकको बीचमा बम जस्तो देखिने शंकास्पद वस्तु फेला परेको थियो । प्रहरीले उक्त स्थानमा रातभर पहरा दिएर सवारी साधन र सर्वसाधारणको आवागमन बन्द गराएको थियो ।

चारवटा ब्याट्री जस्ता वस्तुलाई तारले जोडेर रातो वत्ती  टल्किने गरी राखिएकाले बमको आंशका गरेर सेनालाई डिस्पोजका लागि बोलाइएको थियो । सोमबार बिहान नेपाली सेनाको बम डिस्पोजल टोली आएर शंकास्पद वस्तुलाई डिस्पोज गरेपछि यातायात सेवा र आवागमन  खुलेको ड्राइभरटोल प्रहरी चौकीका असई अवधेश यादवले अनलाइनखबरलाई जानकारी दिए ।

उक्त शंकास्पद वस्तु डिस्पोज गर्दा विष्फोटको आवाज नआई आगोको झिल्को मात्र निस्केको थियो ।

 

 

यो खबर पढेर तपाईलाई कस्तो महसुस भयो ?

ट्रेन्डिङ

Advertisment