शनिबार, ९ असार, २०७५
Ruslan
OnlineKhabar.com
Suzuki

सधैको लागि बन्द हुँदै याहु मेसेन्जर

Suzuki
अनलाइनखबर


याहूको इन्स्टेन्ट मेसेजिङ एप याहू मेसेन्जर आगामी १७ जुलाई देखि सधैंको लागि बन्द हुने भएको छ ।

वर्षौँ पुरानो याहू मेसेन्जर अहिले पनि प्रयोग गरिरहेका प्रयोगकर्तालाई नयाँ ग्रुप मेसेजिंग एप स्क्विरल रिडाइरेक्ट गरिनेछ । द नेक्स्ट वेबले याहू मेसेन्जर बन्द हुन लागेको सार्वजनिक गरेको हो ।

जुलाईमा बन्द भए पनि आगामी ६ महिनाभित्र भने प्रयोगकर्ताले आफ्नो च्याट हिस्ट्री डाउनलोड गर्न पाउनेछन् ।

याहूले पछिल्लो केही महिनादेखि  Squirrel एपको परीक्षण गरिरहेको छ । याहू मेसेन्जर बन्द भएसँगै याहूले यस एपलाई सर्वसाधारणका लागि सार्वजनिक गर्नेछ । यद्यपि, अहिले नै यो एप प्रयोग गर्न चाहनेले पनि बिटा भर्सन प्राप्त गर्नका लागि आवेदन गर्न सक्दछन् ।

याहू मेसेन्जर च्याट सर्भिस सबैभन्दा पहिले सन् १९९८ मा सार्वजनिक गरिएको थियो । तर समयक्रम सँगै गुगल टक, फेसबुक तथा ह्वाट्सएप आएसँगै याहू मेसेन्जरको लोकप्रियता र प्रयोगकर्ता ह्वात्तै घटेका थिए । याहूले आफ्नो एन्ड्रोइड र आइओएस एप लञ्च गरी आफ्नो मेसेन्जर सर्भिसलाई जिवितै राख्ने कोसिस गरेको थियो । मेसेन्जरको नयाँ भर्सन सन् २०१५ मा लञ्च भएको थियो भने गत अगष्टमा यसको पुरानो भर्सन बन्द गरिएको थियो ।

याहू मेसेन्जरको नयाँ एपमा नयाँ डिजाइनसँगै विभिन्न फिचर्स पनि दिइएको थियो । जसमा मुख्य फिचरको रुपमा अनसेन्ड फिचर थियो । जसको माध्यमबाट प्रयोगकर्ताले कसैलाई पठाएका मेसेज पनि फिर्ता लिन सक्दछन् । तर यावत् फिचरका बाबजुत पनि याहू मेसेन्जर आफ्ना प्रतिस्पर्धी ह्वाट्सएप, आइमेसेज तथा फेसबुक मेसेन्जर लगायतलाई पछि पार्न असफल रह्यो ।

एजेन्सी

२०७५ जेठ २७ गते ९:३९ मा प्रकाशित
Grace
Grace

सम्बन्धित शीर्षकहरु

अनलाइनखबर सिधै एपबाट खोल्नुहोस् । एन्ड्रोइडका लागि यहाँ र आइफोनका लागि यहाँ क्लिक गर्नुहोस् । तपाईं हामीसंग फेसबुक, ट्वीटरयुट्युव मार्फत् पनि जोडिन सक्नुहुन्छ ।

मुख्य खबरहरु

यसमा तपाइको मत




फेसबुकबाट तपाईको प्रतिक्रिया

Also you may like this