२९ जेठ, काठमाडौं । अमेरिकी राष्ट्रपति डोनाल्ड ट्रम्प र उत्तर कोरियाली नेता किम जोङ उनबीचको शिखर वार्ताको नेपालले स्वागत गरेको छ ।
परराष्ट्र मन्त्रालयले मंगलबार एक विज्ञप्ति जारी गरी दुई नेताबीच सिंगापुरमा शिखर वार्ता भइ संयुक्त विज्ञप्ति पनि जारी भएकोमा स्वागत गरेको हो ।
नेपालले शिखर वार्तामा भएका निर्णय कार्यान्वयन हुने कोरियाली प्रायद्वीपमा स्थायी शान्ति कायम हुने विश्वास पनि व्यक्त गरेको छ ।
ट्रम्प र किमबीचको वार्तामा कोरियाली प्रायद्वीपमा निशस्त्रीकरण गर्ने सहमति भएको थियो ।