सोमबार, ११ असार, २०७५
Ruslan
OnlineKhabar.com
Suzuki

ओलीलाई मिर्गौला दिने अन्जनाका पिताले पाए राज्यकोषबाट उपचार खर्च

स्वर्गीय खुमबहादुरदेखि शहीद पत्नीसम्मले पाए रकम, महन्थ ठाकुरले लिएनन्

Suzuki
अनलाइनखबर

प्रधानमन्त्री केपी शर्मा ओली

३० जेठ, काठमाडौं । उपचार खर्चका नाममा विशिष्ठ र पहुँचवाला व्यक्तिलाई राज्यकोषबाट रकम दिने प्रचलनलाई नेपाल कम्युनिस्ट पार्टीको सरकारले पनि निरन्तरता दिएको छ । सरकारी खर्च कटौति गर्ने राम्रो निर्णयबाट प्रशंसा बटुलेको सरकारले उपचार खर्चका नाममा राज्यकोष दोहन भने रोक्न नसकेको देखिएको छ ।

प्रधानमन्त्री केपी शर्मा ओली नेतृत्वको सरकार बनेयता उपचार खर्चका नाममा बिगतमा जस्तो धेरै व्यक्तिलाई मनपरी रकम वितरणमा रोक लागे पनि केही विशिष्ठ व्यक्तिलाई मन्त्रिपरिषदबाटै निर्णय गरेर दिइएको पाइएको छ ।

उपचार खर्च पाएकामध्ये कांग्रेस नेता तथा पूर्वमन्त्री खुमबहादुर खड्का तथा नेकपा नेता तथा पूर्व सांसद जागृतप्रसाद भेटवालको भने निधन भइसकेको छ । यद्यपि बिगतमा जस्तो निवेदनकै भरमा उपचार खर्च दिने प्रवृत्तिलाई भने सरकारले नियन्त्रण गर्न खोजेको छ ।

कम्युनिष्ट पार्टीको सरकार गठन भइसकेपछि राजपा अध्यक्ष महन्थ ठाकुर, कांग्रेेस नेता स्वर्गीय खुमबहादुर खड्का, नेकपा नेता स्वर्गीय जागृत भेटवाल र नेकपाका नेता विश्वेश्वरा दाहाल तथा लव प्रधान मित्रलाई मन्त्रिपरिषदबाट निर्णय गरेर उपचार खर्च दिइएको छ ।

यद्यपि राजपा अध्यक्ष तथा पूर्वमन्त्री ठाकुरले भने राज्यकोषबाट दिने निर्णय भएको उपचार खर्च नलिएको स्रोतले जनाएको छ । दिल्लीको मेदान्त अस्पतालमा उपचार गराएका ठाकुरको हकमा सरकारले गत वैशाख ४ गतेको निर्णयअनुसार बिल बमोजिम भुक्तानी गर्न दिल्लीस्थित दूतावासलाई निर्देशन दिएको थियो ।

सरकारको निर्णयबारे जानकारी गराउन मेदान्त अस्पताल पुगेका कार्यवाहक राजदूत भरत रेग्मीले बिल बमोजिम भुक्तानी गर्ने जानकारी दिएका थिए । तर ठाकुरले उपचार खर्च लिन रुचि नदेखाएको र उनको उपचार खर्च अरु नै व्यक्तिले व्यहोरेको स्रोतले जनाएको छ ।

यद्यपि सरकारको निर्णयअनुसार बिल बमोजिम भुक्तानी गर्ने निर्णय भइसकेकाले ठाकुर परिवारले बिल पेश गरेमा सो रकम भुक्तानी हुनेछ ।

मन्त्रिपरिषदको चैत १४ गतेको बैठकबाटै खुमबहादुर खड्कालाई १५ लाख र जागृत भेटवाललाई पनि १५ लाख रुपैयाँ उपचार खर्च बापत दिने निर्णय भएको थियो ।

त्यस्तै चैत २४ गतेको मन्त्रिपरिषद बैठकले चितवनको भरतपुर-११ का बासिन्दा ध्रुव घिमिरेलाई उपचार खर्च बापत ७ लाख रुपैयाँ दिइएको छ । घिमिरे तीनै व्यक्ति हुन् जसकी छोरी अन्जनाले प्रधानमन्त्री केपी शर्मा ओलीलाई आफ्नो मिर्गौला दिएकी थिइन् । ओलीको मिर्गौलाले काम नगरेपछि अन्जनाको मिर्गौला प्रत्यारोपण गरिएको थियो ।

अन्जना नाताले ओलीकै भाइबुहारी पनि पर्छिन् । उनका पिता ध्रुव घिमिरे तत्कालिन एमालेका कार्यकर्ता हुन् । घिमिरेले आफूलाई ओलीसँग भेट गर्न नदिइएको र गुनासो नसुनेको भनेर पार्टीमा असन्तुष्टि जनाउने गरेका थिए ।

सरकारले नेकपाका पुराना नेता तथा विराटनगरका पूर्वमेयर लव प्रधानलाई ९ लाख रुपैयाँ र नेकपाकै पूर्वसांसद तथा शहीद रामनाथ दाहालकी पत्नी विश्वेश्वरा दाहाललाई उपचार खर्च बापत ७ लाख रुपैयाँ दिइएको छ । उनीहरु दुवैलाई वैशाख ११ को मन्त्रिपरिषद बैठकबाट उपचार खर्च दिने निर्णय भएको थियो ।

सरकारले उपचार खर्च दिएका व्यक्ति पटकपटक सांसद, मन्त्री वा राज्यका बिभिन्न पदमा पुगेका व्यक्ति नै हुने गरेका छन् । ओली नेतृत्वको सरकारले उपचार खर्च लगायत राज्यकोषबाट रकम बाँड्ने प्रचलन बन्द गर्ने भने पनि अझै केही व्यक्ति अपवादमा परेका छन् ।

२०७५ जेठ ३० गते ११:४९ मा प्रकाशित
Grace
Grace

सम्बन्धित शीर्षकहरु

अनलाइनखबर सिधै एपबाट खोल्नुहोस् । एन्ड्रोइडका लागि यहाँ र आइफोनका लागि यहाँ क्लिक गर्नुहोस् । तपाईं हामीसंग फेसबुक, ट्वीटरयुट्युव मार्फत् पनि जोडिन सक्नुहुन्छ ।

मुख्य खबरहरु

५ प्रतिकृयाहरू प्राप्त
  • Avas Upadhyay लेख्नुहुन्छ    |   २०७५ जेठ ३० गते १२:०१

    Rajya ko dhukuti bata paisa line ra distribute garne kam ma Oli Sir Nepal ko No. 1 Prime Minister ma parnu hunxa.

    15
    2
    Share

  • सागर राज कुवर लेख्नुहुन्छ    |   २०७५ जेठ ३० गते १२:३०

    हामी सर्वसाधारण जनता त्यसमाथि गरिवीको सुचकमा पर्ने वर्ग । आफूलाइ जन्मदिने आमाको मुटुको भल्व फेर्नलाइ कहीं कतैबाट सहयोग भएन । दुनियाँका सामु भिख माग्नुपरो आफ्नो भएभरको जे थियो सकियो । तर राज्यले आर्थिक सहयोग दिने वर्ग भनेको ठूला नेता जो पटक पटक सरकारमा रजाइँ गरेका थिए ठूला नेताका आफन्त र कार्यकर्ता यिनै रहेछन् । जय होस् । सकभर यो देशमा गरिवलाई ठूलो रोग नलागोस् यही नै कम खर्चिलो उपचार हो ।

    31
    1
    Share

  • Jas Bahadur Bishowkarma लेख्नुहुन्छ    |   २०७५ जेठ ३० गते १२:४७

    Sarkar Chalaune Mahodaye Jyu,

    Yesari Sarkari Dhukuti Bata Upachar kharcha Badne kam Upayukta Hoina. Nepal ma Kati Nimukha Garib Xan ki Bimari vayema Mirtu vanda Upaye Kehi Xaina.Khana ko Jugad Garna Din Rat Kam nagari Hatmukh Jodna Garo xa, Bal Bacha Padhauna, Kapikalam Kinna, Samasyale, Tinai Balbalika le Daura Sankalan Gari, Aruko Varparnu Pareko Sabailai Thaha xa. Bimari vayeko Bela Bakhat Sitamol Kinera Khana Sakne sthiti Xaina. Testa Ko bibaran Herera Matra Rajjele Upalabdha Garaune Ho Vane AtiUttam Hunxa.Yedi Sadhai Jantako Lagi Kam Garda Gardai U saga Aphno Paristhiti Xaina Vane Usko Arthik sthiti Kelayer Matra Upalabdh Garaune Paripati garnu Upayukta Hunxa. Yesari Uniharuko Pahuchko Adharma Upalabdh Garaune Ho Vane Jantama Nirsh ko Rog le Samauxa. Desh Samridhi Tira Hoina Jhan Jhan Khalto tira Janxa. Desh Banauna 2-4 Jana le Samridhi Banaune Pakkai Xina, Sabai Jantako Hatemalo bata Matra Hune Pakka ho. Yesari Jantako Pasina Bata Jamma Vayeko Dhukuti Bata Badne ho Vane Jantale Yo Sarkar Lai Pani Pahileko Sarkar le Garne Kam Vanda Aru Dristi Le herna Xainan. Yo Anurodh Ahile ko Sarkar Lai Jawosh Vanna Chanxu.
    Jasari Desh Samridhi Banauna Sabai Jantako Hat Hunxa, Tesri nai Sarkarle 2-4 Owta Kam Gardaima Ramro hunxa Vanne Hudaina yo sabailai Thaha xa. Kripaya Yesari Rajjeko Dhukuti Jathavabi Chalaune Kam Abba Banda Garnu huna Anurodh ka sath Mera Naramra Amida Wakkya ko Bisarja Gardaxu. Jaya Sambridi Nepal Sarkar!

    Thx.
    Jas Bahadur Bishowkarma,

    6
    0
    Share

  • खडुनिधि संग्रौला, दुधे, झापा लेख्नुहुन्छ    |   २०७५ जेठ ३० गते १२:५४

    डाडु पुन्यौ हातमा भएपछि दिन्छन आफ्नालाइ लाखै लाख
    एकैहुन् सबै सुर्य, गिरिजा, माधब,बाबु, पुष्प सेर, ओली, झल्

    बाँडछन् गरिब नेपालीको करको रकम आफ्नो बाबुको अपुताली सरि
    गोजीका शहिद र दक्षिणका भक्तलाइ त् सेबा गर्छन रास्ट्रको धन खर्च गरी

    हे कमनुस्ट सरकार गरिब निमुखा भोका रोगीको के गांस काटेको
    रोड , मल बिउ शिक्षा स्वोस्थ्य खाधान्न ओषधि दिनछु भनेर किन ढाँटेको

    15
    0
    Share

  • om bastola लेख्नुहुन्छ    |   २०७५ जेठ ३० गते १२:५६

    pm!jyu!! sadako peti ma baser upachar garna rakam magi raheka janata lai pani mirgaula samndhi nisulk upachar ko byabastha milai di sadak ma baser upachar ko lagi rohirahane abastha hataidina hardik hardik anurodh,

    4
    0
    Share

यसमा तपाइको मत




फेसबुकबाट तपाईको प्रतिक्रिया

Also you may like this