नेदरल्याण्ड्सको एजेड अल्कमार क्लबबाट व्यावसायिक फुटबल खेल्ने अलिरेजा जाँहबक्स विश्वकपमा इरानी टिमका खम्बा हुन् ।
उनी विङ्गर र अट्याकिङ मिडफिल्ड दुवै पोजिसनमा खेल्न सक्छन् । सन् २०१३ देखि इरानी टिममा रहेका उनले ३८ खेलमा ४ गोल गरेका छन् ।
उनले सन् २०१७/१८ को सिजन अल्कमारबाट खेलेका ३९ खेलमा २२ गोल गरेका थिए । साथै १४ गोलका लागि सहयोग गरेका थिए । यसैले उनमा खेल मिलाउने क्षमता राम्रो देखिन्छ ।
२४ वर्षका उनले खेलमा पेस र पावर दुवै राख्छन् र विपक्षीबाट बल खोसेर पोसेसन मिलाउने काम पनि गर्छन् । विश्वका ठूला लिग खेलमा जाने उनको बाटो पनि विश्वकपबाटै तय हुने हुँदा उनले आफूलाई अब्बल साबित गर्न कुनै कसर बाँकी राख्ने छैनन् ।