सञ्जय दत्तको बायोपिक ‘सञ्जु’ को ट्रेलरले यतिबेला निकै चर्चा पाइरहेको छ । ट्रेलरमा रणवीरको अभिनयलाई धेरैले सह्राहना गरेका छन् ।
तर अभिनेता सलमान खानले भने केही दिनअघि एक अन्तरवार्तामा फरक विचार व्यक्त गरेका थिए । रणवीरले सञ्जय दत्तको भूमिकामा न्याय गर्न नसक्न उनको घुमाउरो टिप्पणी थियो ।
‘सञ्जय दत्तको भूमिका जो पायो त्यहीले गर्न सक्दैन, बरु यसमा उनी आफैंले खेलेको भए राम्रो हुन्थ्यो,’ सलमानले भनेका थिए ।
सलमानको उक्त भनाईको रणवीरले जवाफ दिएका छन् । एक अन्तरवार्तामा उनलाई सलमानको भनाईमा प्रतिक्रिया मागिएको थियो । रणवीरले आक्रामकरुपमा प्रस्तुत नभई नरम जवाफ दिए ।
उनले सलमानको नाम नलिइकन भने, ‘संसारमा कुनै पनि बायोपिकमा सम्वधिक व्यक्ति आफैंले अभिनय गरेको मलाई थाहा छैन ।’
साथै उनले आफ्नो भूमिकामा न्याय गर्न सक्दो मिहिनेत गरेको पनि बताए ।
‘मैले यति धेरै मिहिनेत यसअघि कुनै चलचित्रका लागि गरेको थिइनँ, यो मेरो जीवनकै चुनौतिपूर्ण भूमिका हो,’ रणवीरले भने ।
