Comments Add Comment

काठमाडौं प्रहरी अवार्डः थापा र खड्का उत्कृष्ट डिएसपी घोषित

दिपक, महेन्द्र र अपिललार्इ नगद पुरस्कार

७ असार, काठमाडौं । महानगरीय प्रहरी परिसरले जेठ महिनाको कार्यसम्पादनमा उत्कृष्ट ठहरिएका ८ जना प्रहरी कर्मचारीलाई पुरस्कृत गरेको छ ।

बंगलादेश बैंकसँगको सम्झौताबाट स्थापना गरिएको काठमाडौं पुलिस अवार्डबाट प्रहरी नायब उपरीक्षकहरु योगेन्द्रसिंह थापा र विश्वराज खड्का, प्रहरी निरीक्षकहरु राजु लामा र केशवदत्त भट्ट, प्रहरी नायब निरीक्षकहरु अजयजंग थापा र धनसिंह ऐरी, प्रहरी हवल्दार ढालबहादुर क्षेत्री र प्रहरी जवान केशव महतरा पुरस्कृत भएका हुन् ।

प्रहरी नायब उपरीक्षकहरुको पुरस्कार राशी ५० हजार, निरीक्षकको ३५ हजार, नायब निरीक्षकको २५ हजार, हवल्दारको १५ हजार र जवानको १० हजार रुपैयाँ रहेको छ ।

बंगलादेश बैंकको सहकार्यमा हरेक महिना कार्यसम्पादनमा उत्कृष्ट ठहरिएका अधिकृत तथा जवानलाई छनोट समितिको सिफारिसको आधारमा पुरस्कार दिने गरिएको महानगरीय प्रहरी परिसरले जानकारी दिएको छ ।

उनीहरुलाई परिसरका प्रमुख वरिष्ठ प्रहरी उपरीक्षक विश्वराज पोखरेल र नेपाल बंगलादेश बैंकका प्रमुख कार्यकारी अधिकृत ज्ञानेन्द्रप्रसाद ढुंगानाले पुरस्कार वितरण गरे ।

परिसरले प्रहरी नायब उपरीक्षक दीपक पोखरेल, महेन्द्र नेपाल र अपिलराज बोहरालाई पनि नगद पुरस्कार प्रदान गरेको छ ।

यो खबर पढेर तपाईलाई कस्तो महसुस भयो ?

ट्रेन्डिङ

Advertisment