उरुग्वेका स्टार स्ट्राइकर इडिसन काभानी फ्रेन्च क्लब पेरिस सेन्ट जर्मेन (पीएसजी) बाट क्लब फुटबल खेल्छन् ।
उनले गएको सिजन पीएसजीबाट खेलेका ४८ खेलमा ४० गोल गरेका थिए । विश्वकप छनोटको दक्षिण अमेरिकी खेलमा पनि उनले १५ खेलमा १० गोल गरेका थिए । एक गोलका लागि अवसर बनाएका थिए ।
३१ वर्षका उनले रसिया विश्वकपमा पनि राम्रो खेल देखाइरहेका छन् । यसपटक विश्वकपका चार खेलमा उनले तीन गोल गरिसकेका छन् ।
सन् २००८ देखि उरुग्वे राष्ट्रिय टिममा रहेका उनले १ सय ५ खेलमा ४५ गोल गरिसकेका छन् ।
पोर्चुगलविरुद्धको अन्तिम १६ को खेलमा घाइते भएका उनी विश्वकप क्वार्टरफाइनल खेलमा ठीक हुने र मैदान फर्कने आशमा छन् ।
