Comments Add Comment

अब नोकिया ८११० मा ह्वाट्सएप


नोकिया ब्राण्डका फोन निर्माता कम्पनी एचएमडी ग्लोबलले कम्पनीको नोकिया ८११० फोर जी फोनमा छिट्टै नै ह्वाट्सएप सपोर्ट उपलब्ध हुने घोषणा गरेको छ ।

कम्पनीले एक भिडियो टिजर मार्फत यसको खुलासा गरेको हो ।

बनाना फोनको नामले चर्चित नोकिया ८११० फोरजी मोबाइल वल्र्ड कंग्रेस २०१८ मा लञ्च गरिएको थियो । यो नोकिया ८११० को अपग्रेटेड भर्सन हो र स्मार्ट फिचर अपरेटिङ सिस्टममा चल्दछ ।

यो फोनमा प्रयोगकर्ताले गुगल असिस्टेन्ट, गुगल सर्च तथा गुगल म्याप्स जस्ता एपहरु प्रयोग गर्न सक्दछन् । अहिलेसम्म यसमा ह्वाट्सएप चलाउन सकिँदैन, तर निकट भविष्यमै यो फोनमा ह्वाट्सएप पनि चलाउने सकिनेछ ।

डुअल सिमयुक्त नोकिया ८११० फोरजी स्मार्टफोन स्मार्ट ओएसमा चल्दछ, जुन काइ अपरेटिङ सिस्टम हो । यसमा २.४५ इन्चको क्यूभिजिए २४० गुणा ३२० पिक्सेलको डिस्प्ले, १.१ गिगाहर्जको डुअल कोर क्वालकोम स्नापड्रागन २०५ प्रोसेसर तथा ५१२ एमबीको र्याम रहेको छ । यसमा २ मेगापिक्सलको एलइडी फ्लासयुक्त क्यामरा रहेको छ । धुलो तथा पानी प्रतिरोधकका लागि यसले आइपी ५२ को रेटिङ्ग प्राप्त गरेको छ ।

यो फोनमा ४ जिबीको इनबिल्ट स्टोरेज रहेको छ । यसमा फोरजी भिओएलटिइ, वाइफाइ तथा ब्लुटुथ कनेक्टिभिटी रहेको छ ।

लगातार फोनमा कुरा गर्दा यो फोनको ब्याट्री चार्ज ९.३२ घण्टा टिक्ने तथा एकपटक पूरा चार्ज गरी फोनमा कल नगरी राख्दा २५ दिनसम्म टिक्ने दाबी कम्पनीको छ । यो फोनको वजन ११७ ग्राम रहेको छ ।

एजेन्सी

यो खबर पढेर तपाईलाई कस्तो महसुस भयो ?

ट्रेन्डिङ

Advertisment