२७ असार, काठमाडौं । कृषि, भूमि व्यवस्था तथा सहकारी मन्त्री चक्रपाणि खनाल बुधबार दिउँसो एक्कासि मालपोत कार्यालय, कलंकीमा पुगेका छन् ।
कार्यालयको अनुगमन गर्न उनी कार्यालयमा पुगेको हुन् ।
कार्यालयमा पुगेर उनले प्रमुख मालपोत अधिकृत नविन किशोर अधिकारी, अधिकृत विष्णुप्रसाद गौतम लगायतलाई मालपोतमा सेवाग्राहीले सास्ती भोग्नु परेको गुनासो आएको भन्दै सुधार गर्न निर्देशन दिए ।
साथै, उनले कार्यालयमा हुने गरेका विकृति रोक्न कुसै कसर बाँकी नराख्न समेत निर्देशन दिए । उनले सुधारका लागि सुझावहरु समेत मागेका थिए ।
खनालले मालपोतको विकृतिलाई रोक्नका लागि विशेष योजना ल्याउन लागिएको समेत उनले बताए ।
सेवाग्राहीले बिचौलियाका कारण आफूहरुले दुःख पाइरहेको बताएका थिए ।
तर, कार्यालयका कनिष्ठ अधिकारीहरुले भने लेखापढी गर्ने ५ सय जना रहेको र इन्ट्री गर्ने चाहिँ २ जना मात्रै हुँदा समस्या हुने गरेको दाबी गरेका थिए ।
