शुक्रबार, ४ साउन, २०७५
OnlineKhabar.com
Suzuki

रोशीखोलाको बाढीमा फसेका दुईजनाको हेलीकोप्टरबाट उद्दार

Suzuki
रामसुन्दर आचार्य

२८ असार, काभ्रे । काभ्रेको नमोबुद्ध नगरपालिका-६ स्थित खाक्सेको रोशीखोलाको बाढीमा फसेका दुई जनालाई नेपाली सेनाको हेलिकोप्टरबाट उद्दार गरिएको छ ।

खानेपानीको काम गर्ने डोरज अप्रेटर नारायण श्रेष्ठ र उनका सहयोगीलाई हेलिकप्टरबाट उद्दार गरी काठमाडौं पठाइएको काठमाडौं पठाइएको प्रमुख जिल्ला अधिकारी कृष्णबहादुर राउतले जानकारी दिए ।

जमिनबाट उद्दार गर्न सम्भव नभएपछि उनीहरुलाई हेलिकोप्टरको प्रयोग गरी उद्दार गरिएको हो ।

जिल्लामा हालसम्म कुनै माननवीय क्षती नभएको र जोखिमपूर्ण स्थानमा विशेष सर्तकता अपनाइएको प्रमुख जिल्ला अधिकारी राउतले बताएका छन् ।

बुधबार राति परेको अविरल वर्षापछि आएको बाढीले झन्डै ९ घण्टासम्म अरनीको राजमार्ग अवरुद्ध परेको छ ।

बनेपाको पुण्यमाता नदीमा बाढी आउँदा बनेपा पुलबजारदेखि धनेश्वरसम्म डुवानमा परेको इलाका प्रहरी कार्यालय बनेपाले जनाएको छ ।

वर्षका कारण आएको बाढीले बनेपा-८ स्थित जीवन नकर्मीको निमाणर्ाधीन घरमा बस्ने मजदुरहरु अलपत्र परेपछि सेनाले उद्धारसमेत गरेको थियो ।

अरनाीको राजमार्ग बनेपा पुलबजार खण्ड विहान २ बजेदेखि बाढीका कारण ९ घण्टासम्म अवरुद्ध भएको थियो । जसले गर्दा, राजमार्ग भएर आवत जावत गर्ने यात्रुहरु बनेपामा अलपत्र परेका थिए ।

बनेपा, धनेश्वर, लगायतका स्थानका घरहरुको पहिलो तल्लामा बाढी पस्दा राति भागाभाग भएको थियो ।

ग्रामीण सडकहरुमा पहिरोले यातायात अवरुद्ध भएको छ भने दर्जन बढी घर भत्किएका छन् । केही पशु चौपायको क्षती भएपनि मानवीय क्षति भने भएको छैन् ।

२०७५ असार २८ गते ११:४३ मा प्रकाशित
Grace
Grace

सम्बन्धित शीर्षकहरु

अनलाइनखबर सिधै एपबाट खोल्नुहोस् । एन्ड्रोइडका लागि यहाँ र आइफोनका लागि यहाँ क्लिक गर्नुहोस् । तपाईं हामीसंग फेसबुक, ट्वीटरयुट्युव मार्फत् पनि जोडिन सक्नुहुन्छ ।

मुख्य खबरहरु

यसमा तपाइको मत




फेसबुकबाट तपाईको प्रतिक्रिया

Also you may like this