आइतबार, ६ साउन, २०७५
OnlineKhabar.com
Suzuki

जारको पानीमा कोलिफर्म, प्रशासनले गर्‍यो सिलबन्दी

Suzuki
अनलाइनखबर

२८ असार, पोखरा । फोहोर पानी बजारमा पठाएको सीएम अक्वा वेभरेज कम्पनीको टुडेज पानीको उत्पादनस्थलमा जिल्ला प्रशासनको टोलीले सिलबन्दी गरेको छ ।

टुडेज ब्रान्डको जारको पानीमा कोलिर्फमको मात्रा देखिएपछि जिल्ला प्रहरी कार्यालय कास्कीको सहयोगमा सिलबन्दी गरिएको सहायक सीडीओ गंगाबहादुर क्षेत्रीले बताए ।

पाँच वटा कम्पनीको पानीको नमूना संकलन गरी प्रशासनको टोलीले अनुगमन तथा सुपरिवेक्षण कार्यालयमा पठाएको थियो ।

कोलिर्फम बाहिरी वातावरणमा रहेको पानी, मानिस वा तातो रगत भएका जनावरका दिसामा पाइन्छ । यो १ दर्जनभन्दा बढी ब्याक्टेरियाको समूह हो । यदि कुनै पानीमा कोलिर्फम भेटिए, त्यसमा ढलको पानी मिसिएको भनेर बुझ्न सकिन्छ । प्राविधिकका अनुसार कोलिर्फमको मात्रा जति बढी हुन्छ स्वास्थका लागि उति जोखिम रहन्छ ।

उक्त कार्यालय मातहतको प्रयोगशालामा असार २२ मा परीक्षण गर्दा टुडेज ब्रान्डको पानीको १९ लिटरको जारमा कोलिर्फमको मात्रा २७ भेटिएको थियो । उक्त ब्रान्डको १ लिटर बोटलको पानी कोलिर्फमको मात्रा नभेटिएको प्रयोगशालाले जनाएको छ ।

सहायक सीडीओद्वय गंगाबहादुर क्षेत्री, राजेश पन्थी, डीएसपी रवीन्द्रमान गुरुङ, उपभोक्ता मञ्च प्रदेश अध्यक्ष कपिलनाथ कोइरालासहितको टोलीले कम्पनीको जारतर्फको प्लान्टमा सिलबन्दी गरेर सञ्चालकसँग बयानसमेत लिएको छ ।

सीएम अक्वाका प्रबन्ध निर्देशक कपिलकिरण श्रेष्ठ बुधबारै प्रहरीमा हाजिर भएर बयान दिएका छन् ।

यो विषयमा प्रहरीले अनुसन्धान थालिसकेको र आवश्यक प्रमाण जुटाएर मुद्दा प्रक्रिया अघि बढाइने डिएसपी रवीन्द्रमान गुरुङले जानकारी दिए ।

गुणस्तर पूरा गरेेको प्रमाण पेस नगरेसम्मका लागि जारको पानी उत्पादनमा रोक लगाइएको उनले बताए ।

दशकौंअघि बनाइएको पुरानो घरमा पानी उत्पादन उद्योग सञ्चलित छ । उत्पादनस्थलको आसपासमा गाईभैंसीको गोठ छ ।

हिलैहिलो भएको खेतको बीचको थोत्रो घरमा दैनिक ७/८ कामदार पानी प्रशोधन, प्याकेजिङ र बजारीकरणको काममा व्यस्त हुन्छन् । त्यहीं कार्यरत १ कामदारका अनुसार कम्पनी सञ्चालक पानीको अवस्थाबारे जानकारी राख्नै चाहँदैनन् । तेर्सापट्टकिो अफिसमा बसेर हिसाबकिताब राख्छन् ।

तालबन्दी गर्न पुगेको टोलीसँग कामदारले आफूहरुको रोजगारीका लागि पनि कम्पनी बन्द नगरिदिन आग्रह गरेका थिए ।

पोखरा- २५, याम्दीमा ०५४ सालमा सञ्चालनमा आएको उक्त उद्योग २०७४ मात्र दर्ता भएको स्थानीयले बताएका छन् । यसअघि जेठ ९ गते पनि प्रशासनको टोलीले उक्त कम्पनीमा सिलबन्दी गरेको थियो ।

उद्योगमा अत्यधिक फोहोर देखिएको, जार र बोतलसमेत राम्रोसँग सफा नगरेको पाइएपछि अनुगमन टोलीले त्यतिबेला पनि सिलबन्दी गरेको थियो ।

कम्पनीका सिलबन्दी गर्न गएको टोलीसँगै रहेका पत्रकारमाथि प्रबन्ध निर्देशक श्रेष्ठले दूव्र्यवहार गरेका छन् ।

फेवा टेलिभिजनका स्टेसन मेनेजर हेमराज अधिकारीले भिडियो खिच्ने क्रममा नखिच्न भन्दै क्यामेरा नियन्त्रणमा लिने प्रयास गरेका थिए । सहायक सिडिओ राजेश पन्थीले संयमित हुन निर्देशन दिएपछि श्रेष्ठ पछि हटेका थिए ।

पोखरा र आसपासमा खानेपानी प्रशोधन गरी मिनरल वाटरका नाममा बजार पठाउने कम्पनी २ दर्जनको हाराहारीमा छन् ।

तीमध्ये एकादुईले मापदण्ड पूरा गरेका छन् । बाँकी सबैले छलछामै गरेर बजारमा पानी बेचेर मनग्गे आर्जन गरेका छन् ।

२०७५ असार २८ गते १४:२० मा प्रकाशित
Grace
Grace

सम्बन्धित शीर्षकहरु

अनलाइनखबर सिधै एपबाट खोल्नुहोस् । एन्ड्रोइडका लागि यहाँ र आइफोनका लागि यहाँ क्लिक गर्नुहोस् । तपाईं हामीसंग फेसबुक, ट्वीटरयुट्युव मार्फत् पनि जोडिन सक्नुहुन्छ ।

मुख्य खबरहरु

१ प्रतिकृया प्राप्त
  • RAJESH लेख्नुहुन्छ    |   २०७५ असार २९ गते ११:२२

    News matra chapne ki, sabai paaniko brandko name list pani chapne. We need all brand list who done this so that we can avoid those brands in Kathmandu. Only yo cha tyo cha but kun brandma cha tyo pani sabko list chapnu paryo mahodaya.

    2
    0
    Share

यसमा तपाइको मत




फेसबुकबाट तपाईको प्रतिक्रिया

Also you may like this