१ साउन, काठमाडौं । सरकारले दूरसञ्चार प्राधिकरणमा अध्यक्ष नियुक्तिका लागि प्रक्रिया सुरु गरेको छ । त्यसका लागि सूचना तथा सञ्चार मन्त्रालयले सचिव महेन्द्रमान गुरुङ संयोजक रहेको सिफारिस समिति गठन गरेको छ ।
समतिले अब प्राधिकरणमा अध्यक्षसहित एक सदस्य नियुक्तीका लागि खुला प्रतिस्पर्धामार्फत छनोटको प्रक्रिया थाल्ने सञ्चारमन्त्री गोकुल बास्कोटाले जानकारी दिए । समितिले प्राधकरणको कानुनतर्फका एक सदस्य नियुक्तिका लागि पनि सिफरिस गर्नेछ ।
समितिले खुला प्रतिस्पर्धाका लागि आह्वान गर्नेछ । दरखास्त दिनेमध्ये ३ जनको नाम सर्ट लिस्टमा राखेर मन्त्रिपरिषद्मा नियुक्तिका लागि सिफारिस हुनेछ ।
वर्तमान सरकारले निर्वाचन आचारसंहिता लागेपछि कांग्रेस नृतत्वको अघिल्लो सरकारले गरेको नियुक्तीहरु खारेज गरेको थियो ।
पद धरापमा परेपछि प्राधिकरणका अध्यक्ष दिगम्बर झा सर्बोच्चमा थमौति माग्दै पुगेका थिए । सर्बोच्चले अन्तरिक आदेशमार्फत थमौति गरे पनि उनले रिट फिर्ता लिएका थिए ।
सरकारको उक्त निर्णयले प्राधिकरणका सदस्य हेमकुमार श्रेष्ठको पनि पद गएको थियो । अब प्राधिकरणमा नयाँ नेतृत्व चयनका लागि प्रक्रिया थालिएको छ ।
नयाँ सरकार आएपछि प्राधिकरणले गरिरहेका सबैजसो काम रोकिएको थियो । सरकारले सकै कामलाई यथास्थितिमा राख्न निर्देशन दिएपछि प्राधिकरणका ३ महिनादेखि कामविहीन भएको छ ।