२ साउन, रुकुम । रुकुम पूर्वको सिस्ने गाउँपालिका-५ धारापानीमा जीप दुर्घटना हुँदा ४ जनाको मृत्यु भएको छ ।
रुकमकोटबाट धौलापैरा जाँदै गरेको लु १ ज २५७३ नम्बरको जीप दुर्घटना हुँदा ४ जनाको मृत्यु भएको जिल्ला प्रहरी कार्यालय रुकुमपूर्वका डीएसपी प्रविणलाल श्रेष्ठले जानकारी दिए ।
घटनास्थलमा रहेका उनले टेलिफोनमा भने ‘अहिले हामी उद्दारकै क्रममा छौं, अहिलेसम्म ४ वटा डेड बडी निकालिएको छ।’
१०/११ जना मानिस चढेको जीप भीरमा सडकदेखि एक सय मिटर तल खसेको उनले जानकारी दिए ।
दुर्घटनास्थलमा उद्दारका लागि जिल्ला प्रहरी कार्यालयबाट टोली खटिएको छ ।