३ साउन, काठमाडौं । जुम्ला घटनामा घाइते भएका प्रहरी जवान कमल उपाध्यायलाई थप उपचारका लागि नेपालगञ्ज पठाउने तयारी भएको छ ।
उपाध्यायलाई थप उपचारका लागि नेपालगञ्ज पठाउने तयारी भएको हो । जुम्लाका प्रमुख जिल्ला अधिकारी बिष्णु पौडेलले हेलिकोप्टरमार्फत बिहीबारै काठमाडौं ल्याउन नसकिने भएको भन्दै नेपालगञ्ज लगिएको अनलाइनखबरलाई बताए ।
उनलाई नेपालगञ्ज लान हुम्लामा रहेको मनाङ हेली जुम्लाका लागि उडेको जनाइएको छ ।
उनको छातीमा गहिरो चोट रहेको बताइएको छ । कर्णाली स्वास्थ्य विज्ञान प्रतिष्ठानमा उनको शल्यक्रिया गरिएको थियो ।
यसअघि जुम्लामा अनशनरत् डा. गोविन्द केसीलाई काठमाडौं फर्काउने क्रममा अस्पताल प्रवेश गर्दा केसी समर्थकले प्रहरीलाई सिसा र बेञ्च प्रहार गरेका थिए ।
त्यसक्रममा उपाध्यायसहित अन्य केही प्रहरी अधिकारी घाइते भएका थिए ।
यो पनि पढ्नुस्
प्रहरी मृत्युको हल्ला फैलाएर सरकारले डा. केसीलाई झुक्यायो
जुम्लामा डा. केसीका समर्थकमाथि अत्यधिक बल प्रयोग, अस्पतालमै पसेर कुटपिट