५ साउन, काठमाडौं । नेपाल कम्युनिष्ट पार्टीका प्रवक्ता नारायणकाजी श्रेष्ठले अत्याधुनिक शैलीमा राजधानीको गल्फुटारमा खोलिएको ‘हाम्रो नेपाली सैलुन’ को शनिबार उद्घाटन गरेका छन् ।
श्रेष्ठले आफ्नो कपाल काटेर सैलुनको उद्घाटन गरेका हुन् । काठमाडौं उपत्यकाको कलंकी, न्यूरोड, बाासबारी लगायत विभिन्न ५ स्थानमा रहेको सैलुनको पछिल्लो शाखाको उनले उद्घाटन गरे ।
ती शैलुन अधिकांश गोरखा स्थायी घर भएका २५ जना युवाको जमातले सञ्चालनमा ल्याएको हो । सञ्चालक दिपक अर्यालका अनुसार ७५ लाख रुपैयााको लगानीमा एकैपटक पााच स्थानमा शाखा राखिएको हो ।
उद्घाटनपछि बोल्दै प्रवक्ता श्रेष्ठले नेपाली युवाको बढ्दो विदेश पलायनलाई रोक्न र नेपालमा रोजगारीको अवसर सिर्जना गर्न यस्ता व्यवसायलाई प्रोत्साहन गर्नु पर्ने भनाइ राखे ।
सैलुनमा मानव स्वस्थ्यलाई पनि ध्यानमा राखेर विभिन्न उपकरणहरुलाई डाक्टरको सल्लाह अनुसार प्रयोग गरिएको बताइएको छ ।
‘अहिलेसम्म कुनै पनि सैलुनले सरकारलाई कर बुझाउने गरेका छैनन्’, अर्का सञ्चालक टेकनाथ भट्टराईले भने, ‘हामीले कम्पनीमा दर्ता गरेर सरकारलाई कर समेत बुझाउने गरी काम थालेका हौं ।’
